22 ساۋىردە اۋعانستاننىڭ كابۋل قالاسىندا بولعان جارىلىستان كەم دەگەندە 57 ادام قازا تاۋىپ، 120 ادام جارالانعان. بۇل تۋرالى اۋعانستان بيلىگى حابارلادى.
جانكەشتى كابۋلداعى سايلاۋشىلاردى تىركەۋ ورتالىعىندا ءوز-وزىن جارىپ جىبەرگەن. بۇل ۋاقىتتا ورتالىققا ءتولقۇجاتتارىن الماق بولىپ كوپ ادام كەزەكتە تۇرعان.
قۇربان بولعانداردىڭ ىشىندە ايەلدەر مەن بالالار جوق دەپ مالىمدەدى ورتالىق ازيا جاڭالىقتار قىزمەتىنە اۋعانستاننىڭ دەنساۋلىق ساقتاۋ مينيسترلىگىنىڭ وكىلى ۆاحيدۋللاح مادجرۋح.
جارىلىستى ازىرگە ەشكىم موينىنا المادى. وقيعا شييتتەر كوپ تۇراتىن قالانىڭ باتىس ايماعىندا بولعان.
پىكىر قالدىرۋ