ارمەنيانىڭ پارلامەنت سپيكەرى ارا بابلويان ۇستالعان دەپۋتاتتارمەن كەزدەستى، دەپ حابارلايدى Qamshy.kz اقپارات اگەنتتىگى Ria.ru-عا سىلتەمە جاساپ.
ارا بابلويان شەتەلدەن ەريەۆانعا كەلگەن. ول اۋەجايدان بىردەن دەپۋتات ساسۋن ميكاەليانمەن، ارارات ميرزويان جانە نيكول پاشينيانمەن كەزدەسۋگە بارعان.
ايتا كەتەيىك، جەكسەنبىدە وپپوزيسيا وكىلدەرى ەكس-پرەزيدەنت سەرج سارگسياننىڭ پرەمەر-مينيستر قىزمەتىنە تاعايىندالۋىنا قاتىستى نارازىلىق ءبىلدىرىپ قارسىلىق اكسياسىنا شىققان.
پوليسەيلەر ميتينگىگە جينالعان حالىقتى تاراتىپ، ۇيىمداستىرۋشىلار قارسىلىق اكسياسى وتكەن جەردەن كۇشتەپ الاستاتىلدى. كەيىنىرەك ارارات ميرزويان جانە ساسۋن ميكاەليان ۇستالدى.
2008 جىلدان باستاپ ەلدى باسقارعان سەرج سارگسياندى پرەمەر-مينيستر قىزمەتىنە تاعايىنداۋعا قارسىلىق 13 ساۋىردە باستالدى. حالىق نارازىلىعىنا قاراماستان ارمەنيا پارلامەنتى سارگسياندى پرەمەر-مينيستر قىزمەتىنە تاعايىندادى.
