بىرەر كۇن بۇرىن Facebook الەۋمەتتىك جەلىسىندە اديليام ۋشۋروۆا ەسىمدى قولدانۋشى قازاقتاردىڭ ار-نامىسىنا تيەتىن پىكىر جازدى دەگەن سكرينشوت تارادى. ءبۇتىن ءبىر ۇلتتى «مامبەتتەر» دەپ كەمسىتكەن، «سەندەردى تاۋعا قۋىپ جىبەرىپ، مالدىڭ تەزەگىن جەگىزۋ كەرەك» دەگەن ونىڭ ءسوزى قاتتى تالقىلانىپ جاتىر.
اقتوبەلىك نۇرلىباي قوشامان ۇلى ينتەرنەتتە ۋشۋروۆاعا قارسى جانايقايىن جاريالادى.
«جامان ءۇيدى قوناعى بيلەيدى» دەگەن وسى. اديليام ۋشۋروۆانىڭ: «مامبەت تۆوي نارود (قازاقتاردى ايتىپ وتىر - اۆت.) كرومە بەسبارماكا نيچەگو نە زنال. ۋيگۋرى ۆام گلازا وتكرىلي... نادو ۆاس ناحۋي ۆ گورى گنات. چتوبى ناۆوز جرالي»، — دەگەنى شەكتەن شىقتى. ونىڭ قازاق حالقىنا قارسى ايتىلعان وسىنداي جان اۋىرتار، بوقتىق سوزدەرى — مەملەكەتىمىزدىڭ ىشكى ۇلتارالىق قاتىناستا جىبەرىپ وتىرعان قاتەلىگىنىڭ جەمىسى. حالقىمىزدىڭ ار-نامىسىن تۋ ەتىپ الىپ جۇرە الماساق، ەلدىگىمىز دە، قۇنىمىز دا ءبىر تيىن. ەندەشە ءوزىن ۇستەم ساناپ، ەكىنشى ۇلتتى قورلاعان، باسىپ-جانشۋدى، «ديسكريميناسيا» ماسەلەسىن قوزدىرعانى ءۇشىن ق ر زاڭىنا سايكەس مىنا ۋشۋروۆانىڭ ۇستىنەن قىلمىستىق ءىس كوتەرىلسىن. مۇنداي ارانداتۋشىلاردى زاڭ اياسىندا تەزگە سالماساق، ءبىز ۇلتارالىق جارىلىستارعا كۋا بولامىز»، — دەپ جازدى ن. قوشامان ۇلى.
نۇريا تورە ەسىمدى ازامات: «ال كەرەك بولسا، كوپكە توپىراق شاشقانى نەسى؟ قازاق دەگەن ەل بولماعان، ءتىلى بولماعان دەگەندى ەستىگەنبىز، ەندى مامبەتپىز بە؟ شەمىشكە شاعىپ، تەمەكى تۇقىلىن لاقتىرعاندار دا جاۋاپقا تارتىلادى عوي. اۋزىم بار دەپ، اۋزىنا كەلگەنىن قۇسا سالاتىنداردى جونگە سالۋ قيىن بولماس!!! نامىسقا ءتيىپ، كوڭىلگە كىربىڭ تۇسىرەدى ەكەن»، — دەدى.
ال ارىستان ابيرايەۆ: «سابىر ءتۇبى – سارى التىن» دەمەكشى، الدىمەن اسىقپاي سارالاپ كورەيىك. بۇل ادەيىلەپ جاسالىپ جاتقان پروۆوكاسيا ەمەس پە؟ اللا ءبىلۋشى، ءوزى جازاسىن بەرسىن. مۇنىڭ تۇبىندە كىم بار ەكەنىن انىقتاماي، قىزبالىق جاساۋ ءتىپتى دە قاجەت ەمەس. وسى جۇمىستى قۇزىرلى ورگاندارعا تاپسىرىپ، قاداعالاعان دۇرىس شىعار»، — دەپ ەل-جۇرتقا باسۋ ايتتى.
جۋرناليست جولىمبەت ماكىش: «ۇيعىر اۋدانىنىڭ اتىن الىپ تاستاپ، باسقاشا اتاۋىمىز كەرەك. قازاقستاندا مۇنداي سەپاراتيستىك سارىنداعى اتاۋلار بولماسىن!»، — كوپتىڭ كوكەيىندەگى ماسەلەنى تاعى ءبىر جاڭعىرتتى.
حالىقتىڭ اشۋ-ىزاسىن تۇسىنۋگە بولادى. ۇلتارالىق ارازدىقتى قوزدىراتىن پىكىرلەرگە ەشقاشان جول بەرىلمەۋى كەرەك. اڭداماي سويلەگەن ءسوزدىڭ ارتى جاقسىلىققا اپارماۋى مۇمكىن. ەلىمىزدەگى بەيبىتشىلىك پەن ىنتىماقتىڭ تۇنىعىن شايقايتىن ارانداتۋشىلاردى زاڭ بويىنشا جازالاعان دۇرىس. ەل يەسى، جەر يەسى قازاق حالقىن قورلاۋعا ەشكىمنىڭ قۇقىعى جوق. سوندىقتان قۇزىرلى ورىنداردان وسى ءىستىڭ انىق-قانىعىنا جەتۋدى تالاپ ەتەمىز!
بۇگىنگى اڭگىمەمىزدى نازىم مانكەيەۆا اتتى قولدانۋشىنىڭ مىنا سوزىمەن اياقتاي تۇرعاندى ءجون كوردىك:
