تامىرىن تۇركىدەن تارتاتىن، قارت كاسپييدى ەگىز ەمگەن ەكى جۇرت – ءازىربايجاندار مەن قازاقتار ەجەلدەن ەتەنە باۋىر. ولاردىڭ جاقىنداستىعى تەك شەكاراسىندا عانا ەمەس، شەجىرەسىندە، تىلىندە، سوزىندە، سازىندا دا جاتىر.

بىلتىر جىل سوڭىندا «قازىرگى قازاق پوەزياسىنىڭ انتولوگياسى» دەگەن اتپەن قازاق اقىندارىنىڭ ولەڭدەرى ءازىربايجان تىلىندە شىعىپ، اتالمىش جيناقتىڭ تۇساۋى باكۋدە كەسىلگەن بولاتىن.

جۋىردا «جاڭا زامان ءازىربايجان پوەزياسىنىڭ انتولوگياسى» دەگەن اتپەن ءازىربايجان اقىندارى دا قازاق تىلىندە سويلەگەلى وتىر.

باۋىرلاس اقىنداردى قازاق تىلىنە ءتارجىمالاعان ول كىتاپتى «فوليانت» باسپاسى جارىققا شىعاردى.

اتالمىش انتولوگيانىڭ تانىستىرىلىمى ەۋرازيا حالىقارالىق كىتاپ كورمە-جارمەڭكەسى اياسىندا ەلوردا تورىندە 25 ءساۋىر كۇنى ساعات 13.00-دە «كورمە» زالىندا وتەدى.