الماتىدا كتك تەلەارناسىنىڭ وپەراتورى ءىز-تۇزسىز جوعالىپ كەتتى. بۇل تۋرالى ونىڭ اكەسى ايتتى دەپ جازادى Qamshy.kz اقپارات اگەنتتىگى tengrinews.kz سايتىنا سىلتەمە جاساپ.

تۋىستارىنىڭ ايتۋى بويىنشا، ولجاس بەلگىبايەۆكە 5 كۇن بويى ىزدەۋ سالعان. ول سەنبىدە كينوعا بارامىن دەپ ۇيىنەن شىعىپ كەتكەن كورىنەدى. بۇگىنگە دەيىن جىگىت ءوز ۇيىنە قايتا ورالمادى. ال دوسىنىڭ ايتۋى بويىنشا، ولجاستىڭ ۇيالى تەلەفونى ءسوندىرۋلى، سوڭعى رەت سەنبىدەن جەكسەنبىگە قاراعان ءتۇنى الەۋمەتتىك جەلىنى قولدانعان.

ولجاستىڭ اكەسى پوليسيا قىزمەتكەرلەرىنە ارىز جازعانىن ايتتى. الايدا ىزدەۋ جۇمىستارى ءالى كۇنگە دەيىن ناتيجەسىز.

الماتى قالاسىنىڭ ءىىد حابارلاۋى بويىنشا، قازىرگى كەزدە بوستاندىق اۋدانىندا ءىىب جەدەل ىزدەۋ جۇمىستارى جۇرگىزىلىپ جاتىر.

«بەلگىبايەۆ ولجاستى جەدەل ىزدەۋ جۇمىستارى ونىڭ تۇرعىلىقتى مەكەن جايىندا جۇرگىزىلىپ جاتىر. جوعالعان جىگىتتى ىزدەۋ بارىسىندا جاڭا تەحنولوگيالار مەن ءار ءتۇرلى ىزدەۋ نۇسقالارى قولدانىلۋدا»، دەيدى ءىىد باسپا ءسوز قىزمەتكەرى سالتانات ازىربەك.