بۇگىن ءماجىلىس سپيكەرى نۇرلان ءنىعماتۋليننىڭ توراعالىعىمەن وتكەن جالپى وتىرىستا جوعارى وقۋ ورىندارىنىڭ اكادەميالىق جانە باسقارۋ دەربەستىگىن كەڭەيتۋ ماسەلەلەرى تالقىلاندى، دەپ حابارلايدى Qamshy.kz اقپارات اگەنتتىگى.
ءماجىلىس دەپۋتاتتارى وسى زاڭ جوباسىمەن جۇمىس بارىسىندا ءبىرقاتار زاڭنامالىق اكتىلەرگە تۇزەتۋلەر ازىرلەپ، ەنگىزگەن. ول ەلباسىمىز ۇسىنعان بەس الەۋمەتتىك باستامانى جۇزەگە اسىرۋ ماقساتىندا، ناقتىراق ايتقاندا، ءۇشىنشى باستامادا ايتىلعان «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ» جاعدايىنى اۋقىمدى جۇزەگە اسىرۋدى كوزدەيدى.
ماسەلەن، 75 مىڭ ورىندى جاڭا جاتاقحانالارمەن قامتاماسىز ەتۋ ءۇشىن - دەپۋتاتتار ستۋدەنتتەردى جاتاقحانالاردا ورىندارمەن قامتاماسىز ەتۋگە ارنالعان مەملەكەتتىك ءبىلىم بەرۋ تاپسىرىسىن ورنالاستىرۋدى جانە جاتاقحانا قۇرلىسىن ينۆەستيسيالىق باسىم جوبا رەتىندە انىقتاۋدى ۇسىندى.
ولاردىڭ بارلىعىنىڭ ناقتى ەسەبى جاسالىپ، ءتيىستى مەملەكەتتىك ورگاندارمەن جان-جاقتى پىسىقتالعان.
جالپى العاندا، ەڭبەك كودەكسىنە جانە تاعى ءۇش زاڭعا جوعارى وقۋ ورىندارىنىڭ قىزمەت ناتيجەلەرىن، مامانداردى دايارلاۋدىڭ ساپاسىن ارتتىرۋ ماقساتىندا تۇزەتۋلەر ەنگىزىلگەن.
پىكىر قالدىرۋ