بۇگىن «الاتاۋ» ءداستۇرلى ونەر تەاترىندا Vءىى رەسپۋبليكالىق قۇران جارىسىنىڭ جەڭىمپازدارىن سالتاناتتى تۇردە ماراپاتتاۋ ءراسىمى ءوتتى، دەپ جازادى Qamshy.kz اقپارات اگەنتتىگى. وعان قمدب ءتوراعاسى سەرىكباي قاجى وراز، قالا اكىمىنىڭ ورىنباسارى ارمان قىرىقبايەۆ جانە زيالى قاۋىم وكىلدەرى قاتىستى.

ءتۇرلى نوميناسيا بويىنشا جەڭىسكە جەتكەن قاريلاردى ماراپاتتاۋ راسىمىندە قۇران وقىلدى، ءدىن تۋراسىندا ءان ايتىلدى، ولەڭ وقىلدى.

ايتا كەتەيىك، كەشە قاريلار قۇراندى مانەرلەپ وقۋدان جارىستى. دودا تاڭعى 9-دا باستالىپ، تۇنگى بىرگە دەيىن جالعاسقان. اتالمىش دوداعا ەل بويىنشا 500 قاري قاتىسۋعا نيەت بىلدىرگەن. ونىڭ 70ء-ى ىرىكتەلدى.

جارىستى ۇيىمداستىرۋشىلاردىڭ ايتۋىنشا، بۇعان دەيىن وتكىزىلگەن رەسپۋبليكالىق جارىستا قۇراندى جاڭىلماي وقيتىندارعا ورىن بەرىلەتىن، بيىل وتكەن بايگەدە قاتىسۋشىلاردىڭ ءتاجۋيد قاعيدالارىن مەڭگەرۋى، قۇراندى وقۋ مانەرى ەسەپكە الىنعان.

VII رەسپۋبليكالىق قۇران بايقاۋىنا قاتىسقان قاريلار «مانەرلەپ وقۋ»، «قۇراننىڭ 10 پاراسىن جاتقا وقۋ بويىنشا»، «قۇراننىڭ 20 پاراسىن جاتقا وقۋ بويىنشا» جانە «قۇراننىڭ 30 پاراسىن جاتقا وقۋ بويىنشا» وقىعاندار بولەك ىرىكتەلدى. جەڭىسكە جەتكەندەر قارجىلاي ماراپاتتالدى.

ءار جەڭىمپازعا سەرتيفيكاتتى ءدىن وكىلدەرى، قوعام قايراتكەرلەرى مەن رەسپۋبليكالىق بايقاۋعا دەمەۋشى بولعان جامال اپاي تابىستادى. جامال اپاي جينالعان قاۋىمعا اق باتاسىن بەردى.

قۇراندى 30 پارا بويىنشا جاتقا وقىعاندار

قۇراندى تولىقتاي 30 پارا بويىنشا وقۋ بويىنشا 70 قاريدى باسىپ وزعان 2ء-شى، 3ء-شى ورىن يەلەرى 1 ميلليون 500 مىڭ تەڭگەدەن باستالاتىن قارجىلاي سىيلىقپەن  ماراپاتتالسا، باس جۇلدە يەگەرىنە كولىكتىڭ كىلتى تابىستالدى.

قۇراننىڭ 30 پاراسىن جاتقا وقىعانداردىڭ اراسىندا 3ء-شى ورىندى جامبىل وبلىسىنان كەلگەن جاحسىلىكوۆ ەركەبۇلان سەرجان ۇلى يەلەندى. جۇلدە قورى -  1 ميلليون 500 مىڭ تەڭگە.

ەكىنشى ورىندى استانا قالاسىنان كەلگەن حاكيموۆ فازليدين ابديحۋجا ۇلى يەلەندى. جۇلدە قورى - 2 ميلليون تەڭگە.

ءبىرىنشى ورىندى جانە باس جۇلدەنى جەڭىپ العان قاري ماڭعىستاۋ وبلىسىنان كەلدى. ناعمانوۆ ناعيم سەرىكۇلىنا اۆتوكولىك كىلتىن باس مۋفتي  سەرىكباي قاجى ورازدىڭ ءوزى تابىس ەتتى.

قۇراننىڭ 20 پاراسىن جاتقا وقىعانداردىڭ اراسىندا وزا شاپقاندار

3ء-شى ورىندى اقتوبە قالاسىنان كەلگەن قاري قارتبايەۆ سالامات الاش ۇلى يەلەندى. جۇلدە قورى -1 ميلليون تەڭگە.  

قاريلار اراسىندا وتكەن جارىسقا ارنايى ماڭعىستاۋ وبلىسىنان كەلگەن ساتەشوۆ ساقي مۇحتار ۇلى ەكىنشى ورىندى يەلەنىپ،  1 ميلليون 250 مىڭ تەڭگەنى قانجىعاسىنا بايلادى.

سقو-دان كەلگەن حوكيموۆ ماحمادراحيم 1ء-شى ورىندى يەلەندى. جۇلدە قورى - 1 ميلليون 500 مىڭ تەڭگە.

قۇراننىڭ 10 پاراسىن جاتقا وقىعاندار

3ء-شى ورىن: مىڭجاسوۆ ارىستان قوجامبەت ۇلى. قاري 500 مىڭ تەڭگەنى قانجىعاسىنا بايلادى.

2ء-شى ورىن: سەيتقاسىم ەرقانات سەرىك ۇلى. جۇلدە قورى - 750 مىڭ تەڭگە.

1ء-شى ورىن: كەنەشباي قۋانىش نۇرلان ۇلى  - 750 مىڭ تەڭگەلىك جۇلدەگە يە بولدى.

«قۇراندى مانەرلەپ وقۋ» نوميناسياسى بويىنشا ماراپاتتالعاندار

قازاقستان مۇسىلماندارى ءدىني باسقارماسىنىڭ ۇيىمداستىرۋىمەن قۇراندى جاتقا جانە مانەرلەپ وقۋ بويىنشا VII رەسپۋبليكالىق بايقاۋدىڭ ءۇشىنشى ورىن يەگەرى – بەكتۇرعانوۆ باۋبەك بەردىعالي ۇلى. ونىڭ جۇلدە قورى - 150 مىڭ تەڭگە.

جارىسقا ارنايى استانادان كەلگەن بيتەنوۆ ەرلان بازارباي ۇلى ەكىنشى ورىندى قانجىعاسىنا بايلادى. جۇلدە قورى - 300 مىڭ تەڭگە.

اقمولا وبلىسىنان كەلگەن تۋرداقىن ۇلى تاكەن ءبىرىنشى ورىندى يەلەندى. جۇلدە قورى - 500 مىڭ تەڭگە.

رەسپۋبليكالىق جارىسقا قاتىسقاندارعا العىس حات پەن 50 مىڭ تەڭگە كولەمىندە قارجىلاي سىيلىقتار تابىستالدى.