استانادا ميكروبيولوگيالىق كورسەتكىشتەرگە ساي كەلمەيتىن تم «Bاmbino» بالمۇزداعى انىقتالدى، دەپ حابارلايدى قازاقپارات.

 «2018 جىلدىڭ 7-9 ساۋىرىندە جانە 23 ناۋرىزىندا شىققان ونىمدەردى تەكسەرۋ بارىسىندا بالمۇزداقتىڭ ەكى تۇرىنەن 0،01 گ ىشەك تاياقشالارى توبىنىڭ باكتەريالارى تابىلدى. شىعارىلعان كۇنى دە جازىلماعان»،-دەپ حابارلايدى ۆەدومستۆو.

سونىمەن قاتار ءونىمنىڭ بارلىعى سارىارقا اۋدانى، تايبۋرىل كوشەسى 7 مەكەنجايىندا ورنالاسقان دۇكەندە ساتىلىپ كەتكەن.

ميكروورگانيزمدەر تابىلعان اتالمىش بالمۇزداق ءوندىرىس سەحىنان دا شىقتى. سونىمەن قاتار ءبىرقاتار سانيتارلىق-گيگيەنالىق تالاپتاردىڭ ورەسكەل بۇزىلۋ فاكتىلەرى تىركەلدى.

وسىعان بايلانىستى بالمۇزداق ءوندىرۋشى «باننۇر نس» جشس-نا اكىمشىلىك شارالار قولدانىلىپ، تالاپتاردى ساقتاۋ بويىنشا مەرزىم بەرىلدى. اتالعان مەرزىم ىشىندەگى تالاپتاردىڭ ورىندالۋى دەپارتامەنت باقىلاۋىنا الىندى.

«بانۋر نس» ج ش س دايىن ونىمدەرى «ارۋجان»، «كەرۋەن»، «كەرۋەن سيتي»، «ازيا-پارك»، «حان شاتىر»، «سارىارقا»، «مەگا SW» جانە باسقا جەرلەردەگى ساۋدا نۇكتەلەرىندە ساتىلادى.

ۆەدومستۆو تۇرعىنداردان «بانۋر نس» ج ش س وندىرەتىن تم «Bاmbino» بالۇزداعىنىڭ 2018 جىلدىڭ 5-9 ساۋىرىندە جانە 23 ناۋرىزىندا شىققان ونىمدەرى انىقتالعان جاعدايدا تەل. 31-71-39، فاكس: (8-7172) 31-61-10؛ e-mail: astana.dooz@mz.gov.kz بايلانىس تەلەفوندارىنا حابارلاۋىن سۇرايدى.