مەملەكەت باسشىسى نۇرسۇلتان نازاربايەۆ ناعىز دارىگەردىڭ پورترەتىن سۋرەتتەپ بەردى، دەپ حابارلايدى Qamshy.kz اقپارات اگەنتتىگى.

— نەگىزى، ادام مەديسيناعا ءوز قالاۋىمەن، ءوز ىقىلاسىمەن بارىپ، دارىگەر بولۋى ءتيىس. سەبەبى ادامنىڭ اعزاسى  - ول جاراتۋشىنىڭ ەڭ كۇردەلى مەحانيزمى.سوندىقتان مەديسينا جولىنا بۇرىلىس-قالتارىسپەن تۇسۋگە بولمايدى. جاقىندا ايتتى عوي، ديپلومدى ساتىپ الىپ، ۋنيۆەرسيتەتكە ءتۇستى دەپ. ونداي دارىگەردىڭ قولىنا تۇسۋدەن قۇداي ساقتاسىن. سول سەبەپتى بارلىق مەديسينالىق ۋنيۆەرسيتتەردىڭ ستۋدەنتتەرىنە ايتارىم، كۇن سايىن مەديسينا عىلىمى تىڭ جاڭالىقتاردى شىعارىپ جاتادى. سونى ءبارىن ءبىلىپ وتىرۋ قاجەت. ول ءۇشىن دارىگەر اعىلشىن ءتىلىن مىندەتتى ءتۇردى ءبىلۋى ءتيىس. الەمدىك ادەبيەتتەردى ۇنەمى وقىپ وتىرعان ءجون. تىڭ جاڭالىقتاردان تىس قالماۋ قاجەت، - دەدى ن.نازاربايەۆ قازاقستان حالقى اسسامبلەياسىنىڭ XXVءى سەسسياسىندا.

پرەزيدەنتتىڭ ايتۋىنشا، ءاربىر دارىگەر ادامعا جاقىن بولۋى قاجەت. ونىڭ ىشكى جان-دۇنيەسىن ءتۇسىنۋى كەرەك. «ناعىز دارىگەر پاسيەنتتى جاقسى كورۋى ءتيىس. اۋىرىپ جاتقان ادامدى قولىنان الىپ، سيپاپ، قولداۋ جاساي ءبىلۋى كەرەك. مىنە، شىن دارىگەر سونداي»، - دەپ اتاپ كورسەتتى ن.نازاربايەۆ.