ق ر پارلامەنتى ءماجىلىسى «قازاقستان رەسپۋبليكاسىنداعى سايلاۋ تۋرالى» ق ر كونستيتۋسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» ق ر كونستيتۋسيالىق زاڭىنىڭ جوباسى بويىنشا جۇمىستى باستادى، دەپ حابارلايدى قازاقپارات.

«زاڭ جوباسى ق ر ۇكىمەتىنىڭ زاڭ جوبالاۋ جۇمىستارىنىڭ 2018 جىلعا ارنالعان جوسپارىنا سايكەس ازىرلەنگەن. قۇجات سايلاۋ زاڭناماسىن جاڭا ينستيتۋتتاردى ەنگىزۋ، قۇقىقتىق ولقىلىقتار مەن قايشىلىقتاردى جويۋ ارقىلى جەتىلدىرۋگە باعىتتالعان. زاڭ جوباسىن ازىرلەۋدىڭ ماقساتى - ىرگەلى سايلاۋ قاعيداتتارىن ساقتاۋدى ودان ءارى قامتاماسىز ەتۋ. كونستيتۋسيالىق زاڭعا ۇسىنىلىپ وتىرعان وزگەرىستەر مەن تولىقتىرۋلار بارىنشا اشىق ءارى دەموكراتيالىق سايلاۋ پروسەسىن قامتاماسىز ەتۋگە ىقپال ەتەدى. كوميتەت زاڭ جوباسىن جۇمىسقا الۋعا دايىن»، - دەدى زاڭناما جانە سوت-قۇقىقتىق رەفورما كوميتەتىنىڭ ءتوراعاسى نۇرلان ءابدىروۆ ءماجىلىستىڭ جالپى وتىرىسىندا.

سونىمەن قاتار، اتالعان ماجىلىسكە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا ەنگىزىلدى. بۇل قۇجات  «قازاقستان رەسپۋبليكاسىنداعى سايلاۋ تۋرالى» ق ر كونستيتۋسيالىق زاڭىنا وزگەرىستەر مەن تولىقتىرۋلار ەنگىزۋ تۋرال» ق ر كونستيتۋسيالىق زاڭىنىڭ جوباسىنا ىلەسپە بولىپ تابىلادى.

زاڭ جوباسى ەكى كودەكس جانە ءۇش زاڭعا تۇزەتۋلەر ەنگىزۋدى كوزدەيدى.