قازاقستان پرەزيدەنتى نۇرسۇلتان نازاربايەۆ نيكول پاشينياندى ارمەنيا پرەمەر-مينيسترى قىزمەتىنە سايلانۋىمەن قۇتتىقتاپ، جەدەلحات جولداعان. بۇل تۋرالى اقوردا باسپا ءسوز قىزمەتى حابارلادى.
جەدەلحاتتا نازاربايەۆ ارمەنيانىڭ جاڭا ۇكىمەت جەتەكشىسى حالقىنىڭ الەۋمەتتىك "ءال-اۋقاتىن ارتتىراتىن ساياساتتى جالعاستىرادى" دەپ سەنەتىنىن بىلدىرگەن.
"قازاقستان مەن ارمەنيا اراسىنداعى دوستىق پەن ءوزارا تۇسىنىستىك قاتىناستار ەكى ەلدىڭ ءوزارا ىقپالداستىعىن ءداستۇرلى سەرىكتەستىك رۋحىندا كەڭەيتە ءتۇسۋ ءۇشىن جانە حالىقتارىمىزدىڭ يگىلىگى جولىندا الداعى ۋاقىتتا دا بەرىك نەگىز بولا بەرەدى دەپ سەنەمىن"، – دەلىنگەن قۇتتىقتاۋ جەدەلحاتىندا.
ايتا كەتەيىك، ارمەنيا پارلامەنتى وپپوزيسيا ليدەرى، "ەلك" پارتياسىنىڭ جەتەكشىسى نيكول پاشينياندى ەل پرەمەر-مينيسترى ەتىپ سايلادى. پاشينيان ۇكىمەت باسشلىعىنا ءساۋىردىڭ ورتاسىنان بەرى جالعاسقان جاپپاي شەرۋدەن كەيىن كەلىپ وتىر. حالىق قاتارىنان ەكى مەرزىم ەل پرەزيدەنتى بولعان رەسپۋبليكالىق پارتيا ليدەرى سەرج سارگسيان پرەمەر-مينيستر بولىپ سايلانۋىنا قارسى شىققان. ۇكىمەتكە قارسى حالىقتىڭ جاپپاي نارازىلىعىنان كەيىن وتستاۆكاعا كەتكەن ەدى.
پىكىر قالدىرۋ