اقش يراننىڭ يادرولىق باعدارلاماسى جونىندەگى بىرلەسكەن جوسپارىنان شىعادى، دەپ مالىمدەدى اقش پرەزيدەنتى دونالد ترامپ اق ۇيدەگى باسپا ءسوز كونفەرەنسياسى كەزىندە.
«كەلىسىم يرانعا ءوزىنىڭ يادرولىق باعدارلاماسىن كەڭەيتۋگە عانا جول اشتى. ول كەلىسىمدە ماڭىز جوق. يراننىڭ ۋادەسى وتىرىك ەكەنىن ءبىز دالەلدەي الامىز. بۇل بەيبىتشىلىك اكەلمەگەن ءبىرجاققتى كەلىسىم بولدى. ول ەشقاشان بەيبىتشىلىك اكەلمەيدى. مەن بۇل كەلىسىمنىڭ قالۋىنا جول بەرسەم، وندا ول بۇكىل تاياۋ شىعىستا يادرولىق قارۋلانۋ جارىسىنا الىپ كەلەدى. مەن اقش-تىڭ يادرولىق كەلىسىمنەن شىققانىن جاريالايمىن»، - دەدى ترامپ.
اقش پرەزيدەنتىنىڭ ايتۋىنشا، يران بيلىگى بىرلەسكەن ەرەجەنى قايتا قاراۋدان باس تارتقان. سونىمەن بىرگە ول تەگەران رايىنان قايتسا، جاڭا شارتتارمەن جاڭا كەلىسىم جاساۋعا دايىن ەكەنىن ايتتى.
ترامپ يرانعا قارسى سانكسيالار قابىلدانىپ، بىردەن كۇشىنە ەنەتىنىن مالىمدەدى.
ول يراندى «حەزبوللا»، «حاماس»، «تاليبان» جانە «ءال قايدانى» قولداعانى ءۇشىن تەرروريزم دەمەۋشىسى دەپ اتادى. دەي تۇرعانمەن ترامپ اقش-تىڭ «اۆتوريتارلىق جۇيە باسىپ العان» يران تۇرعىندارىن جاقتايتىندىعىن مالىمدەدى.
پىكىر قالدىرۋ