گرەيۆزەند قالاسىندا تۇراتىن بريتانيالىق وتباسى وزدەرىنىڭ ۇيىندەگى پارانورمالدى جاعدايدى ۆيدەوعا ءتۇسىرىپ العان دەپ جازادى 360tv.ru.

وتباسى بۇل ۇيدە ون جىل تۇرادى. 54 جاستاعى روبەرت جانە ونىڭ ايەلى پولينا مەن ولاردىڭ  33 جاستاعى ۇلدارى  ۇيدەگى تۇسىنىكسىز جايتتاردى وسىدان التى جىل بۇرىن بايقاي باستاعان. ءبىراق تەك جاقىندا عانا تىلسىمدى ۆيدەوعا تۇسىرۋگە ءمۇمىن بولعان.

وتباسى وتاعاسى ۇيگە كامەرا ورناتىپ، پارانورمالدى قۇبىلىستاردى جازىپ الۋعا تىرىسادى. ناتيجەسىندە راسىمەن ۆيدەودا تۇسىنىكسىز جايتتاردى بايقاعان.

كادردە زاتتاردىڭ وزدىگىنەن قوزعالۋىن كورۋگە بولادى. سونىمەن  بىرگە تۇنگى ۋاقىتتا ەسىكتەر وزدىگىنەن اشىپ جابىلادى.

ۇيدە جيھازدار دا ءتۇسىنىسىز قالىپتا قوزعالىپ، سۋرەتتەر جەرگە قۇلايدى. وتباسىنىڭ جاقىندارى مەن كورشىلەرى ولاردىڭ ۇيىنە كىرۋگە قورقادى ەكەن.

وتباسى مۇشەلەرى بەلگىسىز تازا ەمەس تىلسىم كۇش نەمەسە «جىن»  ولاردىڭ ىزىنە ءتۇستى دەپ ويلايدى. روبەرتتىڭ ايتۋىنا قاراعاندا، ۇلى 8 جاستا بولعاندا  تەرەزدەن قۇلاپ بارا جاتقان جەرىنەن قۇتقارىپ العان، سوندا بەلگىسىز جىن بالانى وزىنە شاقىرعان دەيدى.