«فەيك» جاڭالىقتار قايدان شىعادى؟

سمارتفون، ينتەرنەت سىندى زاماناۋي تەحنولوگيالار بۇگىندە مەديا سالاسىنىڭ، ءتىپتى دەسەڭىز جۋرناليستيكانىڭ تابيعاتىن وزگەرتۋدە.

جاڭا تەندەنسيالار، توقسان توعىز تاراپتان شىنايى مالىمەتتى تەرىپ، اپ-ساتتە الەمنىڭ كەز-كەلگەن تۇكپىرىنەن اقپارات الۋ مەن تاراتۋ مۇمكىندىگى بۇقارالىق اقپارات قۇرالدارى ماماندارىنان جاڭاشا قابىلەتتى تالاپ ەتۋدە.

بۇل جونىندە «#Hashtag our stories» كومپانياسىنىڭ نەگىزىن قالاۋشى يۋسۋف ومار ەۋرازيا مەديا فورۋمىندا ارنايى اۆتورلىق شەبەرلىك ساباعىن وتكىزەدى. تاقىرىبى: «ءموبيلدى جۋرناليستيكادان الەۋمەتتىك ۆيرتۋالدى شىندىققا دەيىن». 

ايتا كەتۋ كەرەك، «#Hashtag our stories» كومپانياسى بۇگىندە دۇنيە ءجۇزى بويىنشا تانىمال. نەگىزىنەن تاۋەلسىز مەكەمەلەرمەن جۇمىس جاسايدى. ولار ءموبيلدى جۋرناليستيكانىڭ اقپارات اگەنتتىكتەردە كەزدەسەتىن گيپەرلوكالدى جوبالارىن جاساۋمەن اينالىسادى جانە جاڭالىقتار تاراتۋدىڭ ءتۇرلى تاسىلدەرىمەن بولىسەدى.  

سوندىقتان يۋسۋف وماردىڭ شەبەرلىك ساباعى اقپارات تاراتۋداعى جاڭاشا تاسىلدەردى مەڭگەرگىسى كەز كەلگەن مامانعا قىزىقتى بولارى انىق.

ەۋرازيا مەديا فورۋمىندا بۇدان باسقا دا 5 اۆتورلىق شەبەرلىك ساباعى ۇيىمداستىرىلىپ وتىر.

بۇقارالىق كوممۋنيكاسيالار قارقىندى دامۋ داۋىرىندە، قوعامدىق پىكىر قالىپتاستىرۋدا كونتەنتتىڭ جەتكىلىكتى ەكىندىگى راس. ءتىپتى، كەي اقپارات بازبىرەۋلەردىڭ مۇددەسى ءۇشىن جاساندى جاسالىپ جاتاتىندىعى ەشكىمگە جاسىرىن ەمەس. بۇل تۇرعىدا، اقيقات پەن ناقتى دەرەك پەن دايەكتىڭ وزەكتىلىگى ارتادى. ياعني، شىندىقتى جالعاننان اجىراتا ءبىلۋ دە شەبەرلىك.

ەۋرازيا مەديا فورۋمىنىڭ تاعى ءبىر سپيكەرلەرى «New Eastern Europe» جۋرنالىنىڭ باس رەداكتورى يۆونا رايحارد (پولشا) پەن «Amicus Europea Foundation» بىرلەستىگىنىڭ وكىلى، ساياساتتانۋشى بارتوش رىدلينسكيي (پولشا) بۇقارالىق اقپارات قۇرالدارىنداعى ەتيكا ماسەلەسى اياسىندا بايانداما وقيدى.

ساراپشىلار فەيك، جالعان جانە بۇرمالانعان جاڭالىقتىڭ تارالۋ جولدارىن، سارى باسىلىمداردىڭ ادامعا كەلتىرەر ىقپالىن تالقىلايدى. شەبەرلىك ساباعى ناقتى مىسالدار مەن شىناييى بولعان وقيعالار نەگىزىندە جاسالعان.

قارۋلى قاقتىعىستار، كۇرەس، تەرروريزمگە قارسى وپەراسيالار – اسكەري كوررەسپوندەنتتىڭ كۇندەلىكتى جۇمىسىنىڭ اجىراماس بولىگى. وسى تاقىرىپتا ءوز تاجىريبەسىمەن ءۆۆس-دىڭ بريتاندىق كورپوراسياسىندا 14 جىل ەڭبەك ەتكەن اسكەري جۋرناليست شاحيدا ياكۋب (ۇلىبريتانيا) بولىسەدى. ول «ءقاۋىپتى ايماقتان رەپورتاج جاساۋ» تاقىرىبى بويىنشا قارۋلى توپتارمەن جۇمىس جاساۋدىڭ قيىنشىلىعى مەن قىزىقشىلىعى تۋرالى باياندايدى.

سونداي-اق، تاعى ءبىر شەبەرلىك ساباعىن حالىقارالىق عارىش ءجۋرناليستى تيرا شۋبارت (ۇلىبريتانيا) «بايقوڭىر ەففەكتىسى» تاقىرىبى بويىنشا وتكىزەدى. سپيكەر عارىش تاقىرىبىنداعى اقپاراتتىق سيۋجەتتەر جاساۋدىڭ سىرىمەن بولىسەدى.

عارىش تۋرالى تۇسىنىكتىڭ، قازىرگى تاڭدا، وزگەرگەندىگىن، كۇن جۇيەسىن جانە الەم تۋرالى باياندايدى. بۇل شەبەرلىك ساباعىنىڭ تاڭدالۋى تەگىن ەمەس. سەبەبى، ءبىزدىڭ جەرىمىزدە ورنالاسقان بايقوڭىر عارىش ايلاعى عارىش تۋرالى يدەيالاردىڭ ورتالىعى بولىپ تابىلادى. پرەزەنتاسيا تاريحي عارىشتاعى وقيعالاردىڭ بەينەجازبالارىن قامتيدى. ءارى بولاشاققا كوز تاستاپ، جۋىق ارادا عارىش سالاسىنا قانداي تەحنولوگيالاردىڭ ەنۋى مۇمكىن ەكەندىگى تۋرالى ايتادى.

ساندىق مەديا داۋىرىندەگى كونۆەرگەنتتىك جۋرناليستيكا جايلى Select Communication Groupء-تىڭ نەگىزىن قالاۋشىسى ءارى باسشىسى، قازاقستاندىق مەديا-مەنەدجەر، پروديۋسەر ۆيكتوريا ەليسەيەۆتىڭ  شەبەرلىك ساباعى ۇيىمداستىرىلىپ وتىر.

ول مەديا سالاسىنداعى ماڭىزدى تەندەنسيالاردىڭ ءبىرى – ب ا ق «ديدجيتاليزاسياسى» جانە  اقپاراتتىق ءونىمدى قۇرۋدىڭ جاڭا تاسىلدەرىن قالىپتاستىرۋ جونىندە بولادى. سونىمەن قاتار، سپيكەر مۋلتيمەديالىق جۋرناليستيكانىڭ جاھاندىق ماسەلەلەرىن قاراستىرىلىپ، ب ا ق ۇردىستەرى، Digital داۋىرىندەگى مەديانىڭ زامانۋي فورماتتارى تۋرالى ايتىپ بەرەدى.

شەبەرلىك ساباقتاردىڭ سەرىكتەسى Eurasian Resources Group (ERG) كومپانياسى. ءىس-شارانىڭ باس سەرىكتەسى «سامۇرىق-قازىنا» ۇلتتىق ءال-اۋقات قورى» اق.

فورۋمنىڭ ۇستىمىزدەگى جىلدىڭ 22-24 مامىر كۇندەرى الماتى قالاسىنداعى The Ritz Carlton وتەلىندە وتەدى. ونىڭ العاشقى كۇنى ساعات 10:00-19:00-گە دەيىن «نون-ستوپ» رەجيمىندە شەبەرلىك سىنىپتارى ۇيىمداستىرىلىپ وتىر.

XV ەۋرازيالىق مەديا فورۋمعا تىركەلۋ 16-مامىرعا دەيىن جالعاسادى. تىركەۋ ءۇشىن http://eamedia.org/ru/ سىلتەمەسىنە وتۋگە بولادى. ورىن ساناۋلى.

جالپى، ءۇش كۇندى قامتيتىن شاراعا 500-دەن استام وتاندىق جانە الەمدىك تانىمال سپيكەرلەر، ساياساتتانۋشىلار مەن قوعام قايراتكەرلەرى قاتىسىپ، مەديا سالاسىنىڭ وزەكتى ماسەلەلەرى قوزعالادى.