2018 جىلدىڭ I توقسان قورىتىندىسى بويىنشا، قازاقستاندىقتاردىڭ ءبىر ايلىق ورتاشا جالاقىسى - 152،4 تەڭگە. بۇل 2017 جىلمەن سالىستىرعاندا 8،7% كوپ، دەپ حابارلايدى Qamshy.kz اقپارات اگەنتتىگى energyprom.kz-كە سىلتەمە جاساپ. 

ورتاشا جالاقىنىڭ ءوسۋى ماڭعىستاۋ وبلىسىندا بايقالدى. ءبىر جىلدا +14% كوبەيگەن. ورتاشا جالاقىنىڭ ءوسۋى بويىنشا كوش باستاپ تۇرعانداردىڭ قاتارىندا - اتىراۋ وبلىسى (279،9 مىڭ تەڭگە، جىلىنا +9،2%)، استانا (223،5 مىڭ تەڭگە، جىلىنا +9،9%) جانە الماتى (187،8 مىڭ تەڭگە، جىلىنا +4،4%). قازاقستان بويىنشا ەڭ كوپ ورتاشا جالاقى – 282 مىڭ تەڭگە.

ورتاشا جالاقىنى ەڭ كوپ الاتىندار - قارجى جانە ساقتاندىرۋ سالاسىنداعى ماماندار  (299 مىڭ تەڭگە، 2017 جىلمەن سالىستىرعاندا 2،8% كوپ). بۇل تىزىمدە تەحنيكالىق جانە عىلىمي جۇمىسپەن اينالىساتىندار دا بار (255،1 مىڭ تەڭگە، جىلىنا +7،2%).

وندىرىستەگى قىزمەتكەرلەردىڭ ورتاشا جالاقىسى - 223،3 مىڭ تەڭگە (جىلىنا +11%). تاۋ-كەن سالاسىندا ەڭبەك ەتىپ جۇرگەندەر ايىنا 366،2 مىڭ تەڭگە الادى (جىلىنا +13%) .

بىلتىر اكىمشىلىك جانە قۇرىلىس سالاسىنداعى قىزمەتكەرلەردىڭ جالاقىسى وسكەن.