اقتوبە قازاقستانداعى قازپوشتادا سيفرلىق كەڭسەسى اشىلعان ءتورتىنشى قالا بولدى. مۇنداي بولىمشەلەر ءقازىردىڭ وزىندە استانا، الماتى جانە قاراعاندىدا جۇمىس جاسايدى.

      وبلىس اكىمى بەردىبەك ساپاربايەۆ «حالىقتىق كەڭسەنىڭ» عيماراتىندا ورنالاسقان سيفرلىق كەڭسەنىڭ مۇمكىندىكتەرىمەن تانىستى. ءوڭىر باسشىسىنا گيبريدتى بانكومات جۇمىسى مەن ادام بەتتەرىن تانىپ، سۇراقتارعا جاۋاپ بەرە الاتىن ۆيرتۋالدى كومەكشى ساۋلە مەن روبوت قۋانىشتىڭ جۇمىسى تانىستىرىلدى.

       وسىنداي كەڭسەلەردىڭ بىرەۋى 20-عا جۋىق قىزمەتكەرى بار ءبۇتىن ءبىر پوشتا بولىمشەسىنىڭ جۇمىسىن الماستىرا الادى. سونىمەن بىرگە سيفرلىق كەڭسەنىڭ جۇمىسىمەن تانىسۋ كەزەڭىندە كليەنتتەرگە قاداعالاۋ جانە تانىستىرۋ ءۇشىن تەك ەكى قىزمەتكەر قىزمەت كورسەتەدى. بولاشاقتا مۇندا قىزمەت كورسەتۋ 24/7 جۇمىس رەجيمىمەن ءوزىن-وزى قامتاماسىز ەتۋ فورماتىندا ۇسىنىلاتىن بولادى.

 - سيفرلىق بولىمگە كەلۋشىلەرگە وپەراتورلار ەمەس روبوتتار قىزمەت كورسەتەدى جانە بۇل جەردە بارلىق قىزمەتتى ءوز بەتىمەن الۋعا بولادى. كوممۋنالدىق تولەمدەردى تولەۋ جانە سالەمدەمە جىبەرۋ، تولەم كارتالارىن بىرنەشە مينۋت ىشىندە الۋعا بولادى، - دەدى «قازپوشتا» اق باسقارما ءتوراعاسى ساكەن سارسەنوۆ.

     سونىمەن قاتار، سيفرلىق كەڭسەگە كەلۋشىلەر «ەلەكتروندى كاسسير» جۇيەسىنىڭ پوستاماتتارى مەن قىزمەتتەرىن پايدالانا الادى.

       - اقتوبە وبلىسىندا مەملەكەت باسشىسىنىڭ تاپسىرماسى اياسىندا سيفرلىق تەحنولوگيالاردى ءومىردىڭ بارلىق سالالارىندا جانە وندىرىسكە ەنگىزۋ بويىنشا بەلسەندى جۇمىستار جۇرگىزىلۋدە. ولاردىڭ نەگىزگى ماقساتى - ەكونوميكانىڭ باسەكەگە قابىلەتتىلىگىن كوتەرۋ، ازاماتتارعا كورسەتىلەتىن قىزمەتتەردىڭ ساپاسى مەن قولجەتىمدىلىگىن ارتتىرۋ، - دەدى وبلىس اكىمى.

      ول اتالمىش جۇمىستىڭ وبلىس اۋداندارىندا جالعاساتىنىن اتاپ ءوتتى. وسى باعىتتا «قازاقتەلەكوم» اق-مەن اۋىلدىق ەلدى مەكەندەردى جوعارى جىلدامدىقتاعى ينتەرنەتپەن قامتاماسىز ەتۋ جۇمىسى جۇرگىزىلۋدە.

      «قازپوشتا» اق دەرەكتەرى بويىنشا بيىل وسىنداي 8 ءبولىم اشۋ.