بيىلعى جىلدى شاھار باسشىسى قالامىزداعى قازىنالى قاريالاردى قولداۋ جىلى دەپ جاريالاعانى بەلگىلى. سانالى ءومىرىن جاس ۇرپاقتى تاربيەلەۋ مەن ەلىمىزدىڭ ەكونو­ميكاسىن دامىتۋعا ارناعان ءقادىر­مەندى قاريالارىمىز مۇنداي قۇر­مەتكە ابدەن لايىقتى. ونىڭ ۇستىنە بالالىعىن سوعىس ۇرلاعان اردا­گەرلەردىڭ دە قاتارى سيرەپ قالعانى جاسىرىن ەمەس. سوندىقتان قاشاندا بەرەكەلى ءىستىڭ باستاۋى بولاتىن الماتى اقساقالدارىن ارداقتاپ، قاريالارىن قۇرمەتتەۋدى باستاپ تا كەتكەن ەدى.

سونداي ءبىر تاماشا كەش قالامىزداعى «ميرشىن» مەيرامحاناسىندا ءوتىپ، مەرەكەگە جەتىسۋ، مەدەۋ، تۇركسىب اۋدان­دارىنىڭ قاريالارى شاقىرىلدى. «ادام ومىرگە كەلگەندە ءبىر بالا، قارتايعاندا ءبىر بالا» دەگەن ءسوزدىڭ مانىنە ەندى-ەندى بويلاعاندايمىز. وزدەرىن قۇرمەتتەپ شاقىرعانعا ۇلكەن كىسىلەر ريزاشىلىقپەن، بالاداي قۋانىپ، قاۋقىلداسىپ قالدى. قالانىڭ ءار تۇكپىرىندە تۇرىپ جاتقاندىق­تان ءبىر-بىرىن تاني بەرمەسى انىق. قاريالار وسىناۋ ءساتتى قۇر جىبەرمەي تانىسىپ، ءبىلىسىپ، ءجون سۇراسىپ جاتتى. مەيرام­حانانىڭ ەكىنشى قاباتىنا كوتەرىلگەن قاريالار اق داستارحان باسىنا وتىرىپ، دامنەن الىپ، كونسەرتتىك باعدارلاماعا دەن قويدى.

العاشقى قۇتتىقتاۋدى قازاقستان حالقى اسسامبلەياسى ءتوراعاسىنىڭ ورىن­باسارى قازبەك مامسۇروۆ الىپ، شاھار­داعى جۇرگىزىلىپ جاتقان بارلىق جۇمىستار تۋرالى كەڭىنەن اڭگىمەلەدى. وسىناۋ يگىلىكتى ءىستىڭ باستاۋى ەلباسىمىز نۇرسۇلتان ءابىش ۇلىنىڭ ۇستانىپ وتىرعان ساياساتى ەكەندىگىنە توقتالدى. كەلەسى كەزەكتە «قازاقتىڭ ساندۋعاش ءۇندى ساۋىعى» اتانعان ەڭبەك ارداگەرى ساۋىق جاقانوۆا بارشا قالا قاريالارىنا دەگەن قۇرمەتىن جەتكىزدى.

– مەن بارشاڭىزدى جەڭىس مەرەكەسىمەن قۇتتىقتايمىن. ويتكەنى، مەنىڭ اكەم دە قان مايدانعا بارىپ، ءبىر قولىنان ايىرىلىپ كەلگەن ەدى. ۇلى جەڭىستى تويلاپ، سوعىس ءبىتىپ، ساۋىق-سايران باستالعان 1945 جىلى دۇنيەگە كەلگەن ەكەنمىن. سوندىقتان ماعان ساۋىق دەگەن ات بەرگەن ەدى. ءاربىر جەڭىس كۇنى مەنىڭ دە ومىرىمدەگى ەرەكشە كۇن، – دەدى.

وسىلايشا قاريالار وزدەرىنىڭ ساۋىق­تىڭ ءۇنىن ساعىنىپ قالعاندارىن ايتىپ، ءىزىڭدى باسار شاكىرتتەرىڭ كوپ بولسىن دەسىپ جاتتى. الماتى قالاسى اكىمىنىڭ «قوعامدىق كەلىسىم» كوممۋنالدىق مەملەكەتتىك مەكەمەسىنىڭ ديرەكتورى جاننات مۇرىنوۆا قازىناعا اينالعان قاريالاردىڭ ءبىر ساتتەگى قۋانىشىنىڭ ءوزى جان جادىراتاتىنىن ايتىپ، بۇكىل ءومىر­لەرىن ەڭبەككە ارناعان جاندارعا قانداي قۇرمەتتىڭ دە جاراسىم­دىلىعىن اڭگىمەلەدى.

– وسى ورايدا مەن اتا مەن انانىڭ تاربيەسىن كورگەن، ۇلكەندى قۇرمەت تۇتا بىلەتىن قۋانىش پەن جۇپار قۇرماشيەۆتار تۋرالى ايتقىم كەلىپ تۇر. اتالارى سوعىسقا اتتانىپ، وتانىن قورعاسا، مىنە بۇگىن ۇرپاقتارى «ءولى ريزا بولماي، ءتىرى بايى­مايدى» دەگەن قاعيدانى ۇستانىپ، سىزدەرگە وسىنداي قۇرمەت كورسەتىپ جاتىر، – دەدى جاننات شاراپحان قىزى.

مەرەكەلى كەشتىڭ كوركىن مەدەۋ اۋدانىنىڭ ارداگەرلەرىنەن قۇرالعان حور ۇجىمى «زەينەتكەرلەر» دەگەن انمەن كىرگىزدى. قالامىزداعى ەتنومادەني بىرلەس­تىكتەردىڭ كوركەمونەرپازدار ۇجىمى دا بۇل كۇنى ءوز ونەرلەرىن ورتاعا سالدى. ونەرپازدار بازاربەك قابىل، جانسايا وتەلگەنوۆا، ءاليا قادىر اسەم اننەن شاشۋ شاقتى. مەرەكە سوڭىندا كاسىپكەرلەر قۋانىش پەن جۇپار ءسوز سويلەپ، وزدەرىنىڭ جۇرەكجاردى لەبىزدەرىن ءبىلدىردى. قاريالاردى قۇر قايتارماي ءبىر-بىر دوربا ازىق-تۇلىك سىيعا تارتتى.

قالا ومىرىندەگى بارلىق ءىس-شارالارعا بەلسەنە اتسالىسىپ وتىرعان «قوعامدىق كەلىسىم» مەن قايىرىمدى كاسىپكەرلەر بىرلەسە وتىرىپ 86 ارداگەردىڭ ۇيىنە ازىق-تۇلىك جەتكىزىپ بەردى.