قازگيدرومەت الداعى ءۇش كۇنگە اۋا رايى بولجامىن ۇسىندى، دەپ حابارلايدى Qamshy.kz اقپارات اگەنتتىگى.
"اقمولا مەن پاۆلودار وبلىستارىنا جەكسەنبى كۇنى جاڭبىر جانە قار اكەلگەن سۋىق اركتيكالىق فرونتتار رەسپۋبليكانىڭ شىعىسىنا، وڭتۇستىك پەن وڭتۇستىك-شىعىسىنا قاراي جىلجۋدا. وسىعان بايلانىستى الداعى كۇندەرى جاڭبىر ساقتالادى، شىعىستا تۇندە جاڭبىر جابىسقاق قارعا ۇلاسۋى مۇمكىن"، — دەپ حابارلايدى سينوپتيكتەر.
قازاقستاننىڭ باتىسىنا ىعىسقان انتيسيكلون ىقپالىنان جاۋىن-شاشىن قىسقا مەرزىمگە توقتايدى. انتيسيكلوننىڭ ورنىنا ورال اۋداندارىنان سۋىق فرونتتاردىڭ كەلەسى جۇيەسى كەلەدى.
الداعى ءۇش تاۋلىكتە قازاقستان اۋماعىندا اۋا رايىنىڭ كۇرت وزگەرۋى ساقتالادى. سولتۇستىك وبلىستاردا قايتادان جاڭبىردىڭ سوڭى جابىسقاق قارعا ۇلاسىپ، ۇسىك بولۋى مۇمكىن، ال وڭتۇستىكتە وتكىنشى جاڭبىر جاۋىپ، كۇن كۇركىرەيدى.
پىكىر قالدىرۋ