الماتىنىڭ اۋەزوۆ اۋداندىق سوتىندا قىزدى قاعىپ ولتىرگەن اۆتوبۋس جۇرگىزۋشىسىنە قاتىستى سوت ۇكىمى شىقتى، - دەپ حابارلايدى Tengrinews.kz ءتىلشىسى سوت زالىنان.
سوت ءانۋار جانىبەكوۆتى ق ر قىلمىستىق كودەكسىنىڭ 345-بابى بويىنشا ايىپتى دەپ تانىپ، ونى 1 جىل 6 ايعا باس بوستاندىعىنان ايىردى. سونداي-اق، ول 4 جىلعا جۇرگىزۋشى كۋالىگىنەن ايىرىلدى. سوتتىڭ ۇكىمىمەن ول جازاسىن قاۋىپسىزدىگى بارىنشا تومەن دەڭگەيدەگى مەكەمەدە وتەيدى.
ەسكە سالايىق، جول-كولىك وقيعاسى 18 ساۋىردە تولە بي مەن وتەگەن باتىر كوشەلەرىنىڭ قيىلىسىندا ساعات تاڭعى سەگىزدە بولعان. 24 جاستاعى قىزدى جولدان وتە بەرگەندە اسقان جىلدامدىقپەن كەلە جاتقان اۆتوبۋس قاعىپ كەتكەن. ول العان جاراقاتىنان وقيعا ورنىندا قازا تاپتى.
