ساياسي قۋعىن- سۇرگىن جانە اشارشىلىق قۇرباندارىن ەسكە الۋ كۇنى 1986 جىلعى جەلتوقسان وقيعاسىنا قاتىسۋشى قايرات رىسقۇلبەكوۆتىڭ «حالىق قاھارمانى» اتاعىنىڭ بەلگىسى الماتى مۇراجايىنا بەرىلدى. بەلگىنى ونىڭ باۋىرى تالعات رىسقۇلبەكوۆ تاپسىردى، دەپ حابارلايدى Qamshy.kz اقپارات اگەنتتىگى. 

قايرات رىسقۇلبەكوۆ ەڭ جوعارى اۋىر ۇكىم - ءولىم جازاسىنا كەسىلىپ، كەيىن بۇل جيىرما جىل باس بوستاندىعىنان ايىرۋعا اۋىستىرىلعان بولاتىن. ول سەمەيدەگى تۇرمەدە، جازاسىن وتەۋگە كەتىپ بارا جاتقان جولدا قازا تاپقان. 1992 جىلى قايتىس بولعان سوڭ اقتالعان. 1996 جىلى قازاقستان پرەزيدەنتىنىڭ جارلىعىمەن وعان «حالىق قاھارمانى» (حالىق باتىرى) اتاعى بەرىلدى.

ەسكە سالساق، بۇگىن  الماتىدا 1931-1933 جىلدارعى اشارشىلىق قۇرباندارىنىڭ ەسكەرتكىشىنە گۇل شوقتارىن قويۋ ءراسىمى ءوتتى، وعان قوعام قايراتكەرلەرى، رەپرەسسيا مەن اشارشىلىق قۇرباندارىنىڭ ۇرپاقتارى، ۇكىمەتتىك ەمەس ۇيىمدار وكىلدەرى جانە قالا جاستارى قاتىستى.