كازگيدرومەت الداعى دەمالىس كۇندەرىنە ارنالعان اۋا رايى بولجامىن جاريالادى، دەپ حابارلايدى Qamshy.kz اقپارات اگەنتتىگى.
جازدىڭ العاشقى كۇنىندە قازاقستاننىڭ باسىم ايماعىندا تۇراقسىز اۋا-رايى ساقتالادى، كەي جەرلەردە قاتقاق كۇتىلەدى.
ەلدىڭ كوپ بولىگىندە دەمالىس كۇندەرى ءجيى جاڭبىر، نايزاعاي، قاتتى جەل مەن تۇراقسىز اۋا-رايى ساقتالادى. اۋا تەمپەراتۋراسى كليماتتىق نورمادان 3...5 گرادۋسقا تومەن تۇسەدى. رەسەيدىڭ ەۋروپالىق بولىگىنەن ءتۇسىپ جاتقان سالقىن جانە دىمقىل اۋا ماسسالارىنىڭ اسەرىنەن ەلدىڭ سولتۇستىگىندە جانە ورتالىعىندا كەي جەرلەردە قاتقاق بولادى.
وڭتۇستىك ايماقتاعى وبلىستاردا جازعا ءتان اۋا-رايى ساقتالادى. يران ايماعىنان جىلى اۋا ماسسالارى ىقپالىنان مۇندا اۋا +27+35 دەيىن، كەي جەرلەردە +38 دەيىن جىليدى.
