«Instagram» سەرۆيسى قولدانۋشىلارعا ۇزاقتىعى ءبىر ساعاتقا سوزىلاتىن ۆيدەولاردى جاريالاۋعا مۇمكىندىك بەرۋى مۇمكىن، دەپ حابارلايدى Qamshy.kz اقپارات اگەنتتىگى تاسس – قا سىلتەمە بەرىپ.

دەرەككوزدىڭ مالىمەتىنە سۇيەنسەك، Facebook اكىمشىلىگى پايدالانۋشىلارعا ۆيدەولاردىڭ ۇزاقتىعىن ارتتىراتىن مۇمكىندىك قاراستىرىپ جاتىر.

مۇنداي فۋنكسيا تىگىنەن تۇسىرىلگەن ۆيدەولارعا ارنالىپ جاسالادى. بۇل فورمات Instagram Stories فۋنكسياسىندا قولدانىلىپ ءجۇر. فۋنكسيانىڭ كومەگىمەن پايدالانۋشىلار وسى ۋاقىتقا دەيىن 15 سەكۋندتىق ۆيدەو جۇكتەپ كەلدى.

ءبىر ساعاتتىق ۆيدەو جازۋ مۇمكىندىگى تەك Instagram Stories-كە ارنالىپ جاسالۋى مۇمكىن. دەرەككوزدىڭ مالىمەتىنە ساي، فۋنكسيانىڭ ىسكە قوسىلاتىن ۋاقىتى ازىرگە بەلگىسىز. Facebook اكىمشىگىلى ءالى شەشىم قابىلدانباعانىن جانە جوسپاردىڭ وزگەرىپ كەتۋى مۇمكىن ەكەندىگىن ايتادى.