مەملەكەتتىك ەڭبەك ينسپەكسياسى جانە كوشى-قون باسقارماسى 960 زاڭ بۇزۋشىلىقتى انىقتادى.
تەكسەرۋ ناتيجەسىندە ەڭبەك ەتۋشىلەردىڭ قۇقىقتارى تاپتالعانى انىقتالىپ، جۇمىس بەرۋشىلەرگە ءىرى كولەمدە ايىپپۇل سالىندى. ايىپپۇلدىڭ جالپى كولەمى – 58،2 ميلليون تەڭگە.
«ەڭبەك ەتۋشىلەردىڭ ايلىعىن كەشىكتىرگەنى ءۇشىن 227 زاڭدى تۇلعا اكىمشىلىك جاۋاپكەرشىلىككە تارتىلىپ، 45 ميلليون تەڭگە ايىپپۇل تولەيدى. ەڭبەك كەلىسىمىنسىز جۇمىس ىستەۋگە جول بەرىپ، ەڭبەك دەمالىستارىنا جىبەرمەگەنى ءۇشىن 7،9 ميلليون تەڭگە كولەمىندە 43 ايىپپۇل سالىندى. جۇمىس ورىندارىنداعى زاڭعا قايشى جاعدايلاردى جىلى جاۋىپ، تەكسەرۋگە دەيىن اپارماعانى ءۇشىن 4،8 ميلليون تەڭگە كولەمىندەگى 18 ايىپپۇل، بوس جۇمىس ورىندارى جايلى دۇرىس اقپارات بەرمەگەنى ءۇشىن 499 مىڭ تەڭگە كولەمىندەگى 20 ايىپپۇل سالىندى»، - دەدى مەملەكەتتىك ەڭبەك ينسپەكسياسى جانە كوشى-قون باسقارماسىنىڭ باسشىسى تالعات رازاقوۆ.
جۇمىس بەرۋشىلەر 43،6 ميلليون تەڭگە كولەمىندەگى ايىپپۇلدى وتەدى.
