بيىل بۇل كورسەتكىشتى ەكى ەسە كوبەيتۋ جوسپارلانىپ وتىرعانىن جەتكىزگەن دەپارتامەنت باسشىسى مەملەكەت تاراپىنان 800 كەپىلدىك بەرىلەتىنىن ناقتىلادى.

— جالپى، مۇنداي كەپىلدىك نەسيە سوماسىنان 85 پايىزدى قۇرايدى. مىسالى، كاسىپپەن اينالىسۋعا نيەتتى ادام ءبىر ميلليون تەڭگە السا، ونىڭ 850 مىڭ تەڭگەسىنە ۇكىمەت كەپىلدىك بەرەدى. قالعان 150 مىڭ تەڭگەگە نەسيە الۋشى ءوزى كەپىلدىك قويۋى كەرەك. مىسالى، اۋىلداعى مالىن، جەرىن، جىلىمايتىن مۇلىگىن قويۋعا بولادى. ونداي مۇمكىندىك بار، — دەدى ج. دۋلاتوۆ.

سونىمەن قاتار ول بيىل بەرىلەتىن 14 مىڭ نەسيەنىڭ 11 مىڭى اۋىلدىق جەرلەردە تۇراتىن كاسىپكەرلەرگە بولىنەتىنىن ايتتى. ال قالعان 3 مىڭعا جۋىعى قالالار مەن مونوقالالارداعى كاسىپكەرلەردى قامتىماق.

ەسكە سالا كەتەيىك، بيىل ناۋرىز ايىندا جاريالاعان بەس الەۋمەتتىك باستاماسى اياسىندا ەلباسى شاعىن نەسيە بەرۋدى كوبەيتۋ مىندەتىن قويعان بولاتىن. مەملەكەت باسشىسى بۇل شارا، اسىرەسە، اۋىل-اي­ماق­تار تۇرعىندارى ءۇشىن، اۋىلداعى كا­ءسىپ­كەرلىكتى دامىتۋ ءۇشىن اسا ما­ڭىزدى ەكەنىن اتاپ وتكەن ەدى.