"سوڭعى ۋاقىتتا داشوگۋز مەشىتتەرىندە ۇرلىق جيىلەپ كەتتى. كەلۋشىلەردىڭ اياق-كيىمدەرى، قالتا تەلەفوندارى ءجيى ۇرلانىپ جاتادى. مۇنداي جاعدايلار احال، مارى، بالكان ءۋالاياتتارىندا جانە اشحابادتا ءجيى كەزدەسەدى"، - دەيدى ازاتلىك ءتىلشىسى جەرگىلىكتى تۇرعىنداردىڭ سوزدەرىنە سىلتەمە كەلتىرىپ.

سۇقبات بەرۋشىنىڭ ءبىرىنىڭ سوزىنشە، رامازان ايى باستالعاننان بەرى 20 جۇپ اياق-كيىم، كەمىندە بەس ۆەلوسيپەد جوعالعان.

مەشىت قىزمەتكەرلەرى بۇل وقيعالاردى رامازان ايىندا قىلمىس جاساعان ازاماتتاردىڭ رۋحاني ازعىنداۋى دەپ باعا بەرگەن. ال جەرگىلىكتى شولۋشىلار مۇنى ەلدەگى ەكونوميكالىق داعدارىستىڭ اۋىر ەكەنىن كورسەتەدى دەيدى.

ازاتلىك دەرەككوزىنىڭ حابارلاۋىنشا، ءبىرقاتار مەشىتتەر بولىنگەن اقشاعا باقىلاۋ كامەراسىن ورناتۋدى قولعا العان.