بۇل تۋرالى ماسكەۋدىڭ پرەسنەنسك اۋداندىق سوتىنىڭ ءباسپسوز حاتشىسى الەكسەي چەرنيكوۆ مالىمدەدى، - دەپ حابارلايدى Tengrinews.kz.
"ماسكەۋدىڭ پرەسنەنسك اۋداندىق سوتى ەرتايەۆتىڭ ءۇي قاماعىن 8 قاراشاعا دەيىن ۇزارتتى"، - دەيدى چەرنيكوۆ.
ەسكە سالايىق، 2018 جىلى مامىردا قازاقستاندىق بانكير جانە كاسىپكەر جومارت ەرتايەۆ رەسەي استاناسىنداعى "موسكۆا-سيتي" بيزنەس ورتالىعىنىڭ ماڭىندا ۇستالعان بولاتىن. 11 مامىردا پرەسنەنسك اۋداندىق سوتى ونى ءۇي قاماعىنا الۋ تۋرالى شەشىم شىعارعان.
13 ماۋسىمدا ماسكەۋ پروكۋرورى ەرتايەۆتى تەرگەۋ اباقتىسىنا قاماۋدى جانە ارى قاراي قازاقستانعا قايتارۋدى تالاپ ەتكەن. الايدا سوت ەرتايەۆتى ءۇي قاماعىندا قالدىردى.
ال قازاقستاننىڭ ءىىم وكىلدەرى "Bank RBK" اق ديرەكتورلار كەڭەسىنىڭ ءتوراعاسى ەرتايەۆ 80 ميلليون دوللاردى جالعان ج ش س ارقىلى نەسيە تۇرىندە شىعارعان جانە ول قارجىنى قايتارماۋ ارەكەتتەرىن جاساعانىن ايتادى. ەرتايەۆقا قاتىستى ق ر قك-نىڭ "الاياقتىق" بابى بويىنشا ءىس قوزعالدى. ءقازىر ەرتايەۆتى قازاقستانعا ەكستراديسيالاۋ تۋرالى ماسەلە قارالىپ جاتىر.
