بريتاندىق Endsleigh ساقتاندىرۋ كومپانياسى ساياحات ءۇشىن ەڭ ءقاۋىپتى 10 مەملەكەتتى اتادى. بۇل تۋرالى Express حابارلايدى.

ساراپشىلاردىڭ پىكىرىنشە، تۋريستىك ساپارلار ءۇشىن ەڭ ءقاۋىپتى مەكەن – تايلاند. 2017 جىلى اتالمىش ەلگە بايلانىستى ساقتاندىرۋ كومپانيالارىنا شاعىم كوپ تۇسكەن، 100ء-دىڭ 23 پايىزىن قۇرادى. تايلاندتان كەيىن چيلي مەن اقش ەڭ ءقاۋىپتى مەملەكەتتەردىڭ قاتارىنا قوسىلدى. ساقتاندىرۋ كومپانيالارىنا تۇسكەن شاعىم 15 پايىزدى قۇرادى.

 بۇعان وسا فرانسيا (7 پايىز)، يسپانيا (8 پايىز)، گەرمانيا (8 پايىز) ءقاۋىپتى مەملەكەتتەردىڭ قاتارىندا. فرانسيا مەن يسپانيادا تۋريستەر كوبىنە ۇرلانعان زاتتارى ءۇشىن شاعىم تۇسىرگەن. ماماندار بۇل مەملەكەتتەرگە ساپارلايتىن تۋريستەرگە بارىنشا مۇقيات بولۋدى ايتادى.

سونىمەن قاتار نەپال (8 پايىز)، پەرۋ (8 پايىز)، باگام ارالى (4 پايىز)، برازيليا (4 پايىز) ەلدەرى تۋريستەر ءۇشىن ءقاۋىپتى مەملەكەتتەردىڭ قاتارىنا كىردى.

ناۋرىزدا «قوعامدىق قاۋىپسىزدىك جانە قىلمىستىق سوت تورەلىگى جونىندەگى ازاماتتىڭ كەڭەس» ۇكىمەتتىك ەمەس ۇيىمى الەمدەگى 50 ءقاۋىپتى قالانىڭ ءتىزىمىن جاريالاعان. ءبىرىنشى كەزەكتە مەكسيكاداعى لوس-كابوس قالاسى تۇردى. 2017 جىلى ءار 100 مىڭ تۇرعىنعا شاققاندا 111،33 ءولىم تىركەلگەن.