يراندا قازاقتار تۋرالى دەرەكتى فيلم ءتۇسىرىپ جۇرگەن بەلگىلى رەجيسسەر، سەناريست ءارى وپەراتور قانات بەيسەكەيەۆ ۇستالدى. بۇل تۋرالى PR-مامان الىشەر ەلىكبايەۆ ءوزىنىڭ تەلەگرام پاراقشاسىندا جاريالادى، دەپ جازادى Qamshy.kz اقپارات اگەنتتىگى.
"ول بۇل ەلدە فيلم ءتۇسىرىپ جاتىر. ەندى يرانداعى قازاقتار تۋرالى فيلم شىعا ما، جوق پا - بەلگىسىز. سول جاقتا جۇرگەنىنە ءبىراز ۋاقىت بولدى. ەندى عانا ەستىپ وتىرمىن. جاعدايدىڭ ءمان-جايىن بىلمەيمىن. بۇعان دەيىن ول موڭعولياداعى قازاقتار تۋرالى فيلم تۇسىرگەن، كەيىن وزبەكستانعا بارىپ، سونداعى قازاقتار جايلى فيلم ءتۇسىردى، ەندى يرانعا بارعان"، - دەدى الىشەر ەلىكبايەۆ.
PR مامانىنىڭ ايتۋى بويىنشا بەيسەكەيەۆتىڭ بىرنەشە مىڭ دوللار تۇراتىن قۇرال جابدىقتارى تاركىلەنگەن.
