2006 جىلى مەملەكەت قايراتكەرى التىنبەك سارسەنباي ۇلىنىڭ ءولىمىن ۇيىمداستىرۋ ءىسى بويىنشا سوتتالعان ق ر پارلامەنتى سەناتى اپپاراتىنىڭ بۇرىنعى جەتەكشىسى ەرجان وتەمبايەۆ 63 جاسقا قاراعان شاعىندا قايتىس بولدى، دەپ حابارلايدى Qamshy.kz اقپارات اگەنتتىگى.

بۇل تۋرالى بەلگىلى ساياساتتانۋشى تالعات قالييەۆ ءوزىنىڭ تەلەگرام پاراقشاسىندا حابارلادى.

"2006 جىلى التىنبەك سارسەنبايەۆتىڭ ءولىمىن ۇيىمداستىرۋ ىسىندە كىنالى رەتىندە  اباقتىعا جابىلعان ەرجان وتەمبايەۆ قايتىس بولدى. ارادا جىلدار وتكەن سوڭ تەرگەۋ بارىسىندا جالعان كۋالىك بەرگەنىن مويىنداپ، اتالمىش قىلمىستى ۇيىمداستىرۋعا تاپسىرىس بەرۋشى رەتىندە راحات الييەۆتى اتادى"، - دەدى قالييەۆ.

ساياساتتانۋشى ءوز جازباسىندا ەرجان ءابىلحايىر ۇلىنىڭ وتباسى مەن جاقىندارىنا قايعىرىپ كوڭىل ايتقان.

ەستەرىڭىزگە سالايىق، 2006 جىلى ساياساتكەر التىنبەك سارسەنباي ۇلى مەن ونىڭ ەكى سەرىگىن ولتىرۋگە تاپسىرىس بەردى دەگەن ايىپپەن ق ر پارلامەنتى سەناتى اپپاراتىنىڭ بۇرىنعى جەتەكشىسى ەرجان وتەمبايەۆ 20 جىلعا سوتتالعان بولاتىن.  2014 جىلى وتەمبايەۆتىڭ ىسىنە بايلانىستى سوت ۇكىمى جويىلىپ، تۇرمەدەن بوساتىلدى. بوستاندىققا شىققان سوڭ ساياساتقا ارالاسقان جوق.