جاپونيانىڭ وساكا پرەفەكتۋراسىندا 18 ماۋسىمدا بولعان جەر سىلكىنىسى سالدارىنان 6700 تۇرعىن ءۇي مەن شارۋاشىلىق قۇرىلىمدارى زاقىمدانعان، دەپ حابارلايدى Qamshy.kz اقپارات اگەنتتىگى NHK-عا سىلتەمە جاساپ.
جەر سىلكىنىسىنىڭ ماگنيتۋداسى — 6،1. زارداپ شەككەن ۇيلەردىڭ باسىم بولىگى 1980 جىلدارى سالىنعان.
سونداي-اق، اپات بولعان ايماقتا وسى ۋاقىتقا دەيىن 8،5 مىڭ پاتەر مەن جەكە ۇيلەردە گاز ءوشىرۋلى تۇر. جەر سىلكىنىسىنەن كەيىن ولاردىڭ سانى 110 مىڭ بولدى. تولىقتاي گازبەن جابدىقتاۋ 25 ماۋسىمدا قالپىنا كەلتىرىلەدى دەپ جوسپارلانۋدا.
جەر سىلكىنىسىنەن وساكا پرەفەكتۋراسىنىڭ سولتۇستىگىندە بەس ادام قازا تاۋىپ، 350 تۇرعىن ءتۇرلى جاراقات العان.
