ەۋرو وداق باسشىلارى بريۋسسەلدەگى سامميتتە رەسەيگە قارسى سانكسيالاردى جارتى جىلعا ۇزارتۋ تۋرالى شەشىم قابىلدادى. بۇل تۋرالى ريا نوۆوستي حابارلايدى.
مۇنداي شەشىم رەسەي، ۋكراينا، مينسك كەلىسىمدەرىن تالقىلاۋ بارىسىندا قابىلداندى.
سانكسيانى ەنگىزۋ.
رەسەي مەن باتىستىڭ اراسى ۋكرايناداعى جانە قىرىمداعى جاعدايعا بايلانىستى ۋشىعا ءتۇستى. ماسكەۋ بۇل جاعدايلارعا قاتىسى جوق ەكەنىن مالىمدەگەن. الايدا ەۋرو وداق پەن اقش رەسەيگە قارسى شارالاردى قولدانىپ ۇلگەردى، وعان ماسكەۋ تاراپى دا جاۋاپ قايتاردى.
وسى اپتادا يتاليا پرەمەر-مينيسترى دجۋزەپپە كونتە انتيرەسەيلىك سانكسيالارعا قاتىستى سىني پىكىرىن ءبىلدىردى. ونىڭ ويىنشا، شەكتەۋ شارالارىن ۇزارتۋ اۆتوماتتى تۇردە جۇرگىزىلمەۋى ءتيىس. سونىمەن قاتار سانكسيانىڭ ماقسات ەمەس، زات ەكەنىن دە ەسكە سالدى.
ءوز كەزەگىندە، سلوۆاكيا پرەمەرى پەتەر پەللەگريني ەو-نىڭ رەسەيگە قارسى سانكسيالارىن ماعىناسىز دەپ اتادى. سەبەبى ماسكەۋ مەن بريۋسسەل اراسىنداعى ساياسي جانە ەكونوميكالىق قارىم-قاتىناسقا سىزات ءتۇسىپ، كەي كومپانيالار ءوز نارىقتارىن جوعالتقان. رەسەيمەن ساۋدالاسۋ مۇمكىندىگىنەن ايىرىلدى. ونىڭ ويىنشا، رەسەيگە قارسى شارالاردىڭ پايداسىنان كەسىرى كوپ.
پىكىر قالدىرۋ