باتىس باسىلىمدارىنىڭ بايقاۋىنشا اقش قورعانىس مينيسترلىگىنىڭ سايتىندا مەكەمە ميسسياسى تۋرالى ماتىنگە وزگەرىس ەنگەن. الايدا پەنتاگون بۇل تۋرالى ەشقانداي دا رەسمي مالىمدەمە جاساماعان دەپ جازادى Qamshy.kz اقپارات اگەنتتىگى.

بۇعان دەيىن پەنتاگون سايتىندا قورعانىس مينيسترلىگىنىڭ ميسسياسى «سوعىستى تىيۋ» دەپ كورسەتىلىپ كەلگەن. اتالعان تەكست ەندى «شەتەلدەگى امەريكا ىقپالىن كۇشەيتۋ» دەپ جازىلعان.  «قورعانىس مينيسترلىگىنىڭ مىندەتى — وتانىمىزدىڭ قاۋىپسىزدىگىن قورعاۋدا جويقىن كۇش بىرىكتىرۋ جانە شەتەلدە امەريكا ىقپالىن كۇشەيتۋ» دەپ جازىلعان تولىق ماتىندە.

وسىلايشا دونالد ترامپ تۇسىنداعى پەنتاگوندا «ەلەۋسىز» وزگەرىستەر ءجۇرىپ جاتىر. ايتا كەتەتىن بولساق، ترامپ وسىعان دەيىن  اقش كيبەرقاۋىپسىزدىك جاساعىن ستراتەگيالىق كۇشتەرى قولباسشىلىعىنان اقش قارۋلى كۇشتەرىندە دەربەس اسكەري قولباسشىلىققا اينالدىرعان.
19 ماۋسىمدا  عارىش كۇشتەرىن قۇرۋ تۋرالى جارلىق شىعاردى. جارلىقتى اقش سەناتى قابىلداي قويسا ولاردا ەندى 12 اسكەري قولباسشىلىق بولادى.