الەۋمەتتىك بەس باستاما اياسىنداعى باسپانا باعدارلاماسىنىڭ سەرىكتەس بانكتەرى انىقتالدى. بۇل تۋرالى ۇلتتىق بانك باسپاسوز-كونفەرەنسياسىندا، - دەپ جازادى Qamshy.kz اقپارات اگەنتتىگى. بەلگىلى بولعانداي، «7-20-25» باسپانا باعدارلاماسىنىڭ نەسيەلەندىرەتىن بانكتەر بانك سەنتركرەديت، ەۋرازيالىق بانك، اتف بانك، Bank RBK، قازاقستاننىڭ حالىق بانكى، سەسنابانك، قازاقستاننىڭ تۇرعىن ءۇي قۇرىلىس جيناق بانكى. سونداي-اق، 2018 جىلدىڭ سوڭىنا دەيىن سبەربانك پەن ForteBank بانكتەرىنىڭ قوسىلۋعا دايىن ەكەنىن ايتىلعان.

ەسكە سالساق، 19 ماۋسىمدا ۇلتتىق بانك اتالعان باعدارلامامەن باسپانا الۋدىڭ شارتتارىن جاريالاعان. قازاقستان رەسپۋبليكاسى ۇلتتىق بانكى باسقارماسىنىڭ 2018 جىلعى 31 مامىرداعى № 107 قاۋلىسىمەن «7-20-25. ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» يپوتەكالىق تۇرعىن ءۇي كرەديتتەۋ باعدارلاماسىن بەكىتتى.

باعدارلاماعا قازاقستان رەسپۋبليكاسىنىڭ ەڭبەك جانە (نەمەسە) كاسىپكەرلىك قىزمەتتەن الاتىن تابىسى بار، سونداي-اق مەنشىك قۇقىعىندا تۇرعىن ءۇيى جوق كەز كەلگەن ازاماتى قاتىسا الادى.

باعدارلامادا قازاقستان رەسپۋبليكاسىنىڭ كەز كەلگەن وڭىرىندە باستاپقى نارىقتا تۇرعىن ءۇي ساتىپ الۋ ءۇشىن مىناداي قۇن شەگىندە يپوتەكالىق تۇرعىن ءۇي قارىزىن الۋ مۇمكىندىگى قارالادى: 25 ملن تەڭگە – استانا، الماتى، اقتاۋ جانە اتىراۋ قالالارىندا؛ 15 ملن تەڭگە – باسقا وڭىرلەردە. باعدارلامانىڭ وپەراتورى قازاقستان رەسپۋبليكاسى ۇلتتىق بانكىنىڭ ەنشىلەس ۇيىمى – «باسپانا» يپوتەكالىق ۇيىمى» اق بولىپ تابىلادى.