ورال قالاسىنىڭ بۇرىنعى اكىم ورىنباسارىنىڭ بالاسى يگور درەماسوۆ ەكى بانكوماتتان 8،2 ملن.تەڭگە ۇرلايمىن دەپ تەمىر توردان ءبىراق شىقتى دەپ حابارلايدى Qamshy.kz اقپارات اگەنتتىگى «ۋن-عا» سۇيەنە وتىرىپ. جەرگىلىكتى قىلمىستىق سوت يگور درەماسوۆ پەن ونىڭ قاسىندا بولعان انتون ەمەليانوۆ مەن دميتريي زايكيندى 5 جىلعا باس بوستاندىعىنان ايىردى. ءمان-جايعا كەلەر بولساق، 2017 جىلدىڭ جەلتوقسانىندا درەماسوۆ قاسىنداعى سىبايلاستارىمەن ازىق-تۇلىك دۇكەنىندەگى «كاسپي بانكتىڭ» تەرمينالىن بۇزىپ، 5،1 ميلليون تەڭگەنى الىپ كەتكەن. كەلەر جىلى ەسكى جوسپاردى باسشىلىققا الا وتىرىپ تاعى ءبىر تەرمينالعا شابۋىل جاساپ، 3،1 ميلليون تەڭگە جىمقىرعان.
تەمىر تورعا توعىتىلعان ۇشەۋ ءوز كىنالارىن مويىنداپ، ۇرلاعان اقشالارىن قايتاردى.
