استانا قالاسىنىڭ اكىمى اسەت يسەكەشيەۆ قالا تۇرعىندارىن استانا كۇنىمەن قۇتتىقتادى، دەپ حابارلايدى Qamshy.kz اقپارات اگەنتتىگى. اكىمنىڭ قۇتتىقتاۋ ءسوزىن استانا قالاسى اكىمدىگىنىڭ باسپا ءسوز پاراقشاسى جاريالادى.
قۇرمەتتى استانالىقتار جانە قالا قوناقتارى!
سىزدەردى استانامىزدىڭ جيىرما جىلدىق مەرەيتويىمەن شىن جۇرەكتەن قۇتتىقتايمىن!
استانا – قىسقا ۋاقىتتا سالىنعان ايبىندى مەگاپوليس، تاۋەلسىزدىكتىڭ سيمۆولى. ەلباسىمىز وسىدان جيىرما جىل بۇرىن ارقا توسىندە وسىنداي عاجايىپ قالا سالامىز دەگەندە كوپشىلىك سەنە قويماعانىن جاقسى بىلەمىز. دەگەنمەن، مۇنىڭ ومىرشەڭ مۇراتتار ارقالاعان تاريحي شەشىم بولعانىنا بۇگىندە ۋاقىتتىڭ ءوزى ايقىن دالەل. قالاعا سالىنعان ينۆەستيسيا ءوزىن تولىق اقتاپ، استانا ەل حالقىنىڭ ماقتانىشىنا، مەملەكەت دامۋىنىڭ لوكوموتيۆىنە اينالدى.
بۇگىندە ەلوردامىز ءوزىنىڭ جيىرما جىلدىق مەرەيتويىنا مول تابىستارمەن، سالماقتى جوسپارلارمەن جەتىپ وتىر. قالانى الەمنىڭ ەڭ ۇزدىك مەگاپوليستەرىمەن تەرەزەسى تەڭ، تۇرعىندارى باقۋاتتى شاھارعا اينالدىرۋ باعىتىندا بارلىق قاجەتتى شارالار قولعا الىنۋدا. بۇعان بىزدە رەسۋرستىق الەۋەت تە، تولىمدى تاجىريبە دە، تالاپ-نيەت تە جەتكىلىكتى. سوندىقتان استانامىزدىڭ كەلەشەگى كەمەل، جارقىن ساتتەرگە تولى بولادى دەپ سەنەمىن.
سىزدەرگە زور دەنساۋلىق، وتباسىلارىڭىزعا ىرىس پەن بەرەكە، ەڭبەكتەرىڭىزگە مول تابىس تىلەيمىن!
ىزگى نيەتپەن،
استانا قالاسىنىڭ اكىمى اسەت يسەكەشيەۆ
