قازاقستان پرەزيدەنتى نۇرسۇلتان نازاربايەۆ استانانى سالۋ كۇللى قازاقستاندىقتاردىڭ ەڭبەگى ەكەندىگىن ايتتى. نازاربايەۆتىڭ سۇحباتىنان ءۇزىندىنى اقوردانىڭ Instagram-داعى پاراقشاسى جاريالادى.
«ءبىز قازاقستاندى، ەلوردامىز – استانانى سالدىق. بۇل كۇللى قازاقستاندىقتاردىڭ ەڭبەگى. بۇل قازاقستاندىقتاردىڭ بولاشاققا دەگەن سەنىمى بولدى. سوندىقتان دا مەن وسى يدەيانى قولداعان بارلىقتارىڭىزعا العىس ايتامىن. ءبىز جاڭا ەلوردامىزدى سالا الدىق، ەندى ونىڭ 20 جىلدىق مەرەيتويىن اتاپ وتەمىز. بارلىق استانالىقتارعا جاقسىلىق پەن بەرەكە-بىرلىك تىلەيمىن»، - دەدى ەلباسى.
بۇگىن ەلىمىزدىڭ ەلورداسى – استانانىڭ تۋعان كۇنى. بۇگىن قازاقستان حالقى استانا قالاسىنىڭ 20 جىلدىعىن اتاپ وتەدى.
1994 جىلى 6 شىلدەدە ق ر جوعارى كەڭەسىندە ەل استاناسىن الماتىدان اقمولا قالاسىنا كوشىرۋ تۋرالى شەشىم قابىلداندى. رەسمي تۇردە ەلوردا الماتىدان اقمولا قالاسىنا 1997 جىلى 10-شى جەلتوقساندا كوشىرىلدى. پرەزيدەنت جارلىعىمەن 1998 جىلدىڭ 6 مامىرىندا اقمولا قالاسىنىڭ اتى استانا دەپ وزگەرتىلدى.
مەملەكەتتىك دەڭگەيدە استانا كۇنى 2009 جىلدان بەرى اتالىپ ءوتىپ كەلەدى.
