گرۋزيا پرەزيدەنتىنىڭ كۇيەۋ بالاسى مينديا گوگوچۋريگە شابۋىل جاسالدى. جۇماعا قاراعان ءتۇنى وقپەن جارالانعان گوگوچۋري اۋرۋحاناعا جەتكىزىلدى.
جەرگىلىكتى «رۋستاۆي 2» ارناسىنىڭ حابارلاۋىنشا، پرەزيدەنتتىڭ كۇيەۋ بالاسى رەسپۋبليكالىق اۋرۋحاناعا جەتكىزىلدى، ەندى وتا جاسالماق.
ەلدىڭ ىشكى ىستەر مينيسترلىگى ءىستى تەرگەۋ جۇمىستارىن باستاپ كەتتى. وقيعانىڭ ءمان-جايى ءالى بەلگىسىز.
گوگوچۋريننىڭ باسىنان مۇنداي جاعداي ءبىرىنشى رەت ءوتىپ تۇرعان جوق. 2017 جىلدىڭ قاڭتارىندا دوسى ەكەۋىنە استانانىڭ ءدال ورتالىعىندا وق اتىلىپ، اۋرۋحاناعا جاتىپ شىققان.
