Atajurtjastar.com رەداكسياسىنا جۇمادان جارقىنبەك ۇلى دەگەن ازامات xابارلاسىپ، ءوزىنىڭ مۇڭ مۇقتاجىن ايتىپ، سۇقبات بەرىپتى. Qamshy اقپارات اگەنتتىگى قىتايداعى قازاقتار ماسەلەسىنە الاڭداي وتىرىپ، قانداستارىمىزدىڭ ءوتىنىشىن وقىرمان نازارىنا ۇسىنىپ وتىر.

«مەن جارقىنبەك جۇمادان قازاقستان ازاماتىمىن، 2014 جىلدىڭ ناۋرىزىندا تاريxي وتانىما ورالىپ، 2016 جىلى قىركۇيەكتە قازاقستان ازاماتى اتاندىم. مەنىڭ اكەم قاسىمباي قارقىنبەك جۇڭگو ازاماتى، جۇڭگو پاسپورتىنداعى ۆيزاسىنىڭ مەرزىمى بىتۋىنە بايلانىستى قايتا ۆيزا اشتىرعالى 2017 جىلى مامىردا قىتايعا قايتقان. سودان 2017 جىلدىڭ ماۋسىمىندا اكەمدى شىڭجاڭ بۋراتالا قالالىق ساقشىلارى تۇتقىنداعانىن ەستىدىك، ال اكەم بولسا زيالى قاۋىم وكىلى، زەينەتكەر، تۇتقىنداۋدان بۇرىن ەشقانداي زاڭ-ەرەجەلەرگە قايشىلىق جاساپ، قىلمىس وتكىزبەگەن ەدى، سودان بەرى 1 جىلدان استام اۋقىت ءوتتى. اكەمنىڭ تەك ساياسي ۇيرەنۋ ورتالىعى دەگەن كانسلاگەردە وتىرعانىن عانا بىلەمىز، ودان باسقا ەشقانداي سەنىمدى حابار الا الماي وتىرمىز». 

«مەن قازاقستان ازاماتى نۇراقاي تۇرسىنگۇل，2017 جىلدىڭ قاڭتارىندا اتا جۇرتىما ورالدىم.
قازاقتا «جان قىسىلسا جاقىنىن تابادى» دەگەن اتالى ءسوز بار، قۇرمەتتى مۇxتار ابرار ۇلى قۇل-مۇxاممەد مىرزا! ءسىزدىڭ كىشى شەشەڭىز قاليقان جاتقانباي قىزى مەن مەنىڭ جولداسىم جارقىنبەكتىڭ شەشەسى ورىنقان جاتقانباي قىزى ەكەۋى ءبىر تۋعان اپكەلى-سىڭىلى كىسىلەر، بۇدان بۇرىن سىزبەن بايلانىسقا شىقپاقشى بولىپ تەلەفون ءنومىرىڭىزدى ىزدەستىرىپ تابا المادىق. ۇلىم استاناعا بارىپ تا سىزبەن بايلانىس جاساي المادى，سوندىقتان وسى ۆيدەو ۇندەۋ جولداۋ ارقىلى سىزبەن بايلانىسقا شىعارمىز دەگەن ۇمىتتەمىن. ەڭ سوڭىندا مەنىڭ سىزدەن وتىنەرىم، جازىقسىز اباقتىعا قامالعان جولداسىم جارقىنبەكتىڭ جۇڭگو تۇرمەسىنەن بوساتىلىپ شىعىپ، اتا جۇرتى قازاقستانعا ەرتەرەك ورالىپ، وتباسى، بالا-شاعاسىمەن قاۋىشۋىنا كومەكتەسۋىڭىزدى سۇرايمىن».