مەملەكەت باسشىسى جاپونيانىڭ پرەمەر-مينيسترى سيندزو ابەگە كوڭىل ايتۋ جەدەلحاتىن جولدادى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
نۇرسۇلتان نازاربايەۆ جاپونياداعى نوسەر جاڭبىر مەن لاي كوشكىنى سالدارىنان كوپتەگەن ادامنىڭ قازا بولعانى تۋرالى حاباردى زور كۇيزەلىسپەن قابىلدادى.
«تابيعي اپات سالدارىنان جاقىندارىن جوعالتقان جانە زارداپ شەككەن وتباسىلاردىڭ، سونداي-اق بۇكىل جاپونيا حالقىنىڭ قايعىسىنا ورتاقتاسىپ، كوڭىل ايتامىن»، – دەلىنگەن جەدەلحاتتا.
مەملەكەت باسشىسى قازاقستان حالقىنىڭ وسىنداي اۋىر ساتتە جاپونيا حالقىمەن بىرگە ەكەنىن جەتكىزىپ، زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەستىك ءبىلدىردى.
