استانا قالاسى اكىمىنىڭ ءبىرىنشى ورىنباسارى سەرگەي حوروشۋن مەملەكەت قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ «كوزىنە ءتۇستى» دەپ حابارلايدى Qamshy.kz اقپارات اگەنتتىگى.
Zakon.kz سايتىنىڭ تىلشىسىنە مەملەكەت قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى نۇرلان جاحين بىلاي دەپتى:
«ۆاليم ماشۋروۆ ەسىمدى ازامات سەرگەي حوروشۋننىڭ ۇستىنەن ارىز جازدى. وعان سايكەس ماشۋروۆ «تامىز ينۆەست گرۋپپ» قۇرىلىس كومپانياسىنىڭ جەتەكشىسى بولعاندا حوروشۋنگە قامقورلىعى ءۇشىن سىي-سىياپات بەرىپ كەلگەن. بۇگىنگى تاڭدا تەكسەرۋ جۇمىستارى جۇرگىزىلىپ جاتىر.
ەستەرىڭىزگە سالا كەتەيىك، ۇلەسكەرلەردىڭ اقشاسىن جىمقىرعانى ءۇشىن 1 جىلعا سوتتالعان ۆاليم ماشۋروۆ حوروشۋنگە استانادا قۇرىلىس جۇمىستارىن تىنىش جۇرگىزۋ ماقساتىندا سان مارتە رەت پارا بەرگەنىن ايتقان بولاتىن.
