بۇگىندە ەلىمىزدە تامىرىن تەرەڭگە جايعان، كۇيىپ تۇرعان ماسەلەلەردىڭ ءبىرى – جەمقورلىق. مەملەكەتتىك بيۋدجەتتەن بولىنەتىن قارجىنىڭ ءبىر شەتىنەن قالتاسىنا باسىپ قالۋدى ويلايتىندار ءالى دە بارشىلىق. جاعامىزدى ۇستاتقان جاعداي – قازاق اگرارلىق ۋنيۆەرسيتەتى ستۋدەنتتەرىنىڭ تۇسكى اسى. 20 ستۋدەنتتىڭ تۇسكى اسىنا – 4 351 000، ياعني ءبىر ستۋدەنتتىڭ تاماعى 217 550 تەڭگە. مۇنشالىقتى قىمبات تۇراتىن ول قانداي تاماق بولدى ەكەن؟ بۇل جايىندا ديدار سماعۇلوۆ ەسىمدى زاڭگەر ءوزىنىڭ Facebook پاراقشاسىندا جازادى.

«قازاق اگرارلىق ۋنيۆەرسيتەت باسشىلىعى 20 ۇزدىك ستۋدەنتكە تۇسكى اس بەرۋدى جوسپارلعان. ولاردىڭ سانى – 20. العاشىندا يپ تەس كومپانياسىمەن كەلىسىمگە وتىرىپ، ولار 17 000 جانە  19 000 تەڭگەگە ەكى ۇستەل دايىندايتىن بولىپ كەلىسكەن. ياعني ءار ستۋدەنتكە 850 تەڭگەدەن. الماتى ستۋدەنتتەرى ءۇشىن بۇل قالىپتى باعا. ءبىراق جەلتوقسان ايىندا باعالار كۇرت ءوسىپ كەتتى مە، بەلگىسىز، جوو يپ تەس كومپانياسىمەن تاعى دا قوسىمشا كەلىسىم جاساپ، قارجىنى 10 187 000-عا ءبىراق شىعاردى! ستۋدەنتتەن سانى كوبەيدى مە دەپ ويلادىق؟ جوق، ولاي ەمەس، ستۋدەنتتەر سانى سول باستاپقىداعىداي 20 بولدى»، - دەپ جازادى زاڭگەر ديدار سماعۇلوۆ.

ستۋدەنتتەرگە بەرىلەتىن تۇسكى استىڭ ءمازىرى:

ۋنيۆەرسيتەت باسشىلىعى بۇل جاعدايعا قاتىستى بىلاي دەپ جاۋاپ بەردى: «تەندەردە 20 ستۋدەنت دەپ كورسەتىلگەنىمەن، 113 ستۋدەنتكە تۇسكى اس بەرىلدى. بۇل ۋنيۆەرسيتەت 2005 جىلدان بەرى «جاسىل ەل» باعدارلاماسىنا قاتىسىپ كەلەدى. جىل سايىن جازعى دەمالىس كەزىندە ەرىكتى ستۋدەنتتەر اۋلانى تازارتىپ، جوندەۋ جۇمىستارىنا قاتىسادى. العاشىندا تەك 20 ستۋدەنتكە تۇسكى اس بەرۋ جوسپارلانعان بولاتىن، كەيىننەن ستۋدەنتتىك كەڭەس بارلىق ستۋدەنتتەر ءۇشىن تەگىن تۇسكى اس ۇيىمداستىرۋدى ۇسىندى. مەملەكەتتىك تەندەردە قوسىمشا كەلىسىمشارتتار جاسالدى».

ۋنيۆەرسيتەت باسشىلىعىنىڭ ايتۋىنشا، بارلىق قاراجات ستۋدەنتتەردىڭ يگىلىگىنە جۇمسالعان جانە ەشقانداي دا قۇقىق بۇزۋشىلىق بولمادى.

ال كەلىسىمشارت جاسالعان قۇجاتتا 20 ستۋدەنتكە 4 351 000 دەپ كورسەتىلگەن: