ەلىمىزدەگى دەنساۋلىق ساقتاۋ مەكەمەلەرىندەگى كومپيۋتەرلەندىرۋ 88 پايىزدى قۇرادى. بۇل تۋرالى بۇگىن ق ر دەنساۋلىق ساقتاۋ ءمينيسترى ەلجان ءبىرتانوۆ ۇكىمەتتىڭ كەڭەيتىلگەن وتىرىسىندا مالىمدەدى، دەپ جازادى Qamshy.kz اقپارات اگەنتتىگى digitalkz.kz سايتىنا سىلتەمە جاساپ

مينيستر ەلىمىزدەگى دەنساۋلىق ساقتاۋ ورىندارىنداعى جاپپاي كومپتەرلەندىرۋ ماسەلەسىنە دە توقتالىپ، اكىمدەرگە بۇل جۇمىستى كۇشەيتۋ كەرەكتىگىن ايتتى.

«مەديسينالىق ورىنداردى كومپيۋتەرلىك تەحنيكامەن جاراقتاندىرۋ جۇمىستارى جۇرگىزىلۋدە. وسى كورسەتكىش شامامەن 88 پايىزدى قۇرادى. جەرگىلىكتى اتقارۋشى ورگانداردىڭ جابدىقتالۋى 100 پايىزعا جەتكىزۋدى سۇرايمىن»، - دەدى ە. ءبىرتانوۆ.

قازاقستانداعى ەمدەلۋشىلەردىڭ 14 پايىزى ەلەكتروندىق ۇكىمەت پورتالىن پايدالانادى. ال، تۇرعىندارعا كورسەتىلەتىن تەگىن دارىگەرلىك قىزمەت 600 ملرد تەڭگەنى قۇراپ وتىر.

«ەلىمىزدىڭ بارلىق وڭىرلەرىندە ەڭ ماڭىزدى اۋرۋلاردى باسقارۋ باعدارلامالارى ەنگىزىلۋدە. مەملەكەتتىك قىزمەتتەردى ەلەكتروندىق قىزمەت پەن موبيلدىك قوسىمشالار ارقىلى كورسەتۋدىڭ قولجەتىمدىلىگىن مەن قولايلىلىعىن ارتتىرۋ جۇمىسى جۇرگىزىلۋدە. مىسالى ناۋقاستاردىڭ 14 پايىزى egov.kz ارقىلى جازىلعان»، - دەدى ە. ءبىرتانوۆ.

سونداي-اق، ول ۇلتتىق دارىلىك قامتاماسىز ەتۋ ساياساتىن بايانداپ، ۇنەمدىلىك پەن تيىمدىلىك تۋرالى ءسوز ەتتى.

«ۇلتتىق دارىلىك قامتاماسىز ەتۋ ساياساتىن ىسكە اسىرۋ شەڭبەرىندە ءبىرىڭعاي ديستريبيۋتور قىزمەتىنىڭ اشىقتىعىن ارتتىرۋ، ساتىپ الۋ پروسەسىن تيىمدىلىگىن ارتتىرۋعا جانە بيۋدجەت قاراجاتىن ۇنەمدەۋگە مۇمكىندىك بەردى. ۇنەمدەلگەن قارجى 26،5 پايىز، ول قوسىمشا دارى-دارمەك الۋعا مۇمكىندىك بەردى»، - دەدى مينيستر.

ە. ءبىرتانوۆتىڭ ايتۋىنشا، اقپاراتتىق جۇيەلەردى ينتەگراسيالاۋ پروسەسى جۇرگىزىلىپ جاتىر. بۇعان قوسا، دارى-دارمەك رەتسىزدىكتەرىن رەتتەۋ قاجەتتىگىن ايتتى.

«بۇكىل اقپاراتتىق جۇيەلەردى ءبىز ءقازىر ينتەگراسيا جاساپ، بارلىق وڭىرلەردە قانداي دارىلەر جەتكىزىلەدى. سونىڭ ءبارىن ءبىز كورىپ وتىرمىز. ءبىراق، كەيبىر وڭىرلەردە ءالى بەرىلمەگەن دارى-دارمەك نىسانى وتە جوعارى. وسىعان بايلانىستى قىسقا مەرزىمدە دارىلىك زاتتاردىڭ ناقتى قالدىقتارىمەن دارىلىك قامتاماسىز ەتۋدىڭ اقپاراتتىق جۇيەلەرىن سالىستىرۋ قاجەت»، - دەپ اتاپ ءوتتى ق ر دەنساۋلىق ساقتاۋ ءمينيسترى.

ءمينيستردىڭ ايتۋىنشا، اعىمداعى جىلعى تامىزدىڭ سوڭىنا دەيىن ەمحانالاردا ەلەكتروندىق قۇجات الماسۋدى اياقتاۋ ماڭىزدى بولىپ تابىلادى. وسىنداي جاعدايدا بۇكىل ديسپانسەرلىك دەڭگەيدە تۇراتىن ناۋقاستاردىڭ سانىن بىلۋگە بولادى. بۇل كەلەشەكتە دارى-دارمەكتى دۇرىس جوسپارلاۋعا مۇمكىندىك بەرەدى.

ايتا كەتەيىك، بۇگىن ۇكىمەتتىڭ كەڭەيتىلگەن وتىرىسى ءوتتى. وندا ايماق باسشىلارى وڭىرلەردەگى جاعدايدى بايانداپ، اعىمداعى جاعدايلاردان حاباردار ەتۋدە.