الماتى قالاسى ىىد-مەن وتكەن قوعامدىق تىڭداۋ بارىسىندا كەڭەس مۇشەلەرنىڭ ءبىرى الىبەك شاپەنوۆ ق ر زاڭناماسىن قايتا قاراۋدى ۇسىندى، دەپ جازادى Qamshy.kz اقپارات اگەنتتىگى.

«مەنىڭ بايقاۋىمشا، ىشكى ىستەر ورگانىندا جۇمىس ىستەيتىندەر تىم بوساڭسىپ كەتكەن. ونداعى جاعداي ءتىپتى ناشار دەسە دە بولادى. نەگە بۇلاي بولدى؟ قىلمىس الەمى كۇشىنە ەنگەن، قورقۋ دەگەن سەزىم مۇلدەم قالمادى. مەنىڭشە، بۇل قوعامدى ىزگىلەندىرۋمەن بايلانىستى. الەمدىك ستاندارتتاردىڭ ىزىنەن قۋامىز دەپ ءجۇرىپ ءوزىمىزدىڭ ەۋروپا ەمەس ەكەنىمىزدى ەستەن شىعارىپ الامىز. ازاماتتاردىڭ كونستيتۋسيالىق قۇقىعىن قورعاۋ دەگەندى باسقاشا تۇسىنەمىز. ۇستالعانداردىڭ ءبىرى ءدال سول كۇنى، سول ۋاقىتتا، سول ساتتە استانادا، سوت زالىندا تۇرۋى ءتيىس ەدى. بۇعان دەيىن جاساعان قىلمىسى ءۇشىن جاۋاپ بەرۋى ءتيىس ەدى. تەك ءبارى باسقاشا بولدى»، - دەدى الىبەك شاپەنوۆ.

ونىڭ ايتۋىنشا، قىلمىسكەرلەردى ەركىن بوساتىپ جىبەرۋدىڭ ءبىر سەبەبى، زاڭ قىلمىسقا ادامگەرشىلىكپەن قارايدى.

«ياعني، ءبىز قىلمىس جاساعان ادامنىڭ كونستيتۋسيالىق قۇقىعىن قورعاپ، تەرگەۋ بولىمدەرىنە جىبەرمەيمىز، باسقا دا اۋىر جازالاردى قولدانبايمىز. ءبىز – تونالعان، قورلانعان قاراپايىم حالىقپىز. بۇلاي بولمايدى، زاڭدى قايتا قاراۋ كەرەك. ىزگىلىككە ءبىزدىڭ قوعام دايىن ەمەس»، - دەدى ول.

سونىمەن قاتار «پوليسەيلەردى ىنتالاندىرۋ ءۇشىن ايلىعىن كوتەرۋ كەرەك» دەگەندى دە ايتىپ قالدى.