الماتىدا ەكى اۆتوبۋس بەتپە-بەت سوعىسىپ، جيىرمادان استام جولاۋشى زارداپ شەككەنىن وسىعان دەيىن حابارلاعانبىز. دارىگەرلەر ونىڭ بەسەۋىن بىردەي اۋرۋحاناعا جاتقىزىپتى. ءتىپتى، بىرىنە شۇعىل وتا جاسالعان. ابىروي بولعاندا جۇرگىزۋشى وزىنە قاراي جوڭكىلىپ كەلە جاتقان بوس اۆتوبۋستى كورگەندە تەز ەس جيىپ،  ءوزى باسقارعان قوعاملىق كولىكتىڭ تۇمسىعىن سوعان قاراي بۇرىپتى. ايتپەسە، ءبۇيىر جاقتان كەلىپ سوققاندا ادامعا لىق تولى كولىك توڭكەرىلەر ەدى دەيدى. التى جاستاعى بالادان سەكسەندەگى قاريانىڭ زارەسىن العان جول اپات تۋرالى ەۋرازيا ءبىرىنشى ارناسى حابارلايدى.
كۇنى كەشە قالانىڭ قاق ورتاسىندا بولعان وسى جول اپاتىنان سوڭ ون جىل تاجىريبەسى بار جۇرگىزۋشىنىڭ ءوزى قورقىپ قالعان. تاپا تال تۇستە اباي داڭعىلىنان دوستىق داڭعىلىنا بۇرىلا بەرگەنىندە ىشىندە نە ادامى، نە تىزگىنشىسى جوق اۆتوبۋستى كورىپ ابدىراپ قالدىم دەيدى. سالوندا وترىعان كىشكەنتاي بالالار ەسىنە تۇسكەندە بارىپ قانا ەس جيناپتى. جولاۋشىلاردى امان الىپ قالۋ ءۇشىن اۆتوبۋستىڭ تۇمسۇعىن تۋرا ەكىنشىسىنە سۇعۋعا تۋرا كەلگەنىن ايتادى.   

«ول نەگىزى لوب كەلە جاتىر ەدى. جولاۋشىلاردىڭ قاۋىپسىزدىگىن ويلاپ، ءوزىمدى، بۇرىشتى قويدىم. نەگىزى ءار ۆوديتەلدىڭ رەاكسياسى ءوزىن الىپ قاشادى عوي. ول اۆتوماتيچەسكيي دا» - دەيدى جۇرگىزۋشى بەردالى رىسپەكوۆ. 

اپاتتان سوڭ، قيراعان اۆتوبۋس ىشىنەن اۋەلى ەكى كىشكەنتايدى ىزدەدىم دەيدى جۇرگىزۋشى. كەيىن جەدەل جاردەم كەلگەنشە، جارتى ساعاتتاي تەرەزەدەن قالعان جولاۋشىلاردى قۇتقارىپتى. ال، دارىگەرلەر وقيعا ورنىنا ون كولىك كەلىپ، 21 ادامدى اۋرۋحاناعا جەتكىزگەندەرىن ايتادى. ونىڭ ۇشەۋى بالا. ال، بەسەۋى بىردەي اۋرۋحاناعا توسەگىنە تانىلعان. بىرىنە ءتىپتى وتا جاسالىپتى. 

«نەگىزگى جاراقاتى باس مي جاراقاتى. اياق قول ۋشيۆ. نەگىزگى ديامەترى سونداي اياق قولىنىڭ سىنعاندارى بار. قازىرگى تاڭدا وپەراسيادان كەيىن ارنايى پالاتاعا اۋىستىرىلىپ جاعدايى وڭالىپ كەلە جاتىر» - دەيدى قالالىق دەنساۋلىق ساقتاۋ باسقارماسى باسشىسىنىڭ ورىنباسارى نۇرجان يسابەكوۆ.

ال، اۆتوپارك وكىلدەرى كىنانى سۋ جاڭا اۆتوبۋستاردان ەمەس، جۇرگىزۋشىدەن كوردى. ويتكەنى، بوس كولىكتىڭ قول تەجەگىشىن باسۋدى ۇمىتىپ، ەمىن-ەركىن تاماقتانۋعا تاستاپ كەتە بارعان. ونىڭ ۇستىنە تۇراقتاۋعا بولمايتىن جەرگە قويعان. ەسىكتەرىن بەكىتىپ كەتىپتى. اشىق بولسا، «اقىلدى» اۆتوبۋستىڭ قاۋىپسىزدىك جۇيەسى ىسكە قوسىلار ەدى دەيدى. 

«ءبىر جۇرگىزۋشىنى جۇمىستان بوساتامىز. ونىڭ تاعدىرىن سوت شەشەتىن بولادى. ال، ەكىنشى جۇرگىزۋشىنىڭ ەش كىناسى جوق. ال، شاعىمدانعان تۇرعىندار بولسا، بارلىق شىعىندى وتەۋگە ءازىرمىز» - دەيدى «الماتىەلەكترو-ترانس» ج ش س باسشىسى ريزۆان سينايەۆ.

ەندى ءبىر ءبالىش ءۇشىن جۇرگىزۋشىنىڭ 30 جىلداي ەڭبەگى قۇردىمعا كەتۋى ابدەن مۇمكىن. ال، وتا جاسالعان ناۋقاس بۇگىن جانساقتاۋ بولىمىنەن شىعىپ، تىلگە كەلىپ جاتىر.