تۇرعىن ءۇي كەشەندەرىن ساپاسىز سالعانى ءۇشىن تاعى ەكى قۇرىلىس كومپانيانىڭ جانە تەحنيكالىق قاداعالاۋ ساراپشىلارىنىڭ جۇمىسى توقتاتىلدى، دەپ حابارلايدى استانا قالاسى اكىمدىگىنىڭ رەسمي سايتى.

اكىمدىك قۇرىلىس سالاسىن رەتكە كەلتىرۋدى جالعاستىرىپ جاتىر. قازىرگى كۇندە ۇكىمەت Doing Business ساياساتىن جۇرگىزۋدە، ول نىساننىڭ قابىلداۋ جانە پايدالانۋعا بەرىلۋ پروسەسىن جەڭىلدەتەدى. الايدا، كەيبىر اۆتورلىق جانە تەحنيكالىق قاداعالاۋدى جۇزەگە اسىراتىن جەكە مەنشىك ۇيىمدار ءوز مىندەتتەرىن جوسىقسىز ورىنداۋدا. وسىعان بايلانىستى قۇرىلىس ساپاسىنا ارنالعان كەڭەس بارىسىندا اسەت يسەكەشيەۆ قۇرىلىس كومپانيالارىن، سونداي-اق نىسانداردى پايدالانۋعا قابىلداۋ بارىسىندا بىرنەشە رەت زاڭ بۇزۋشىلىقتارعا جول بەرگەنى ءۇشىن اۆتورلىق جانە تەحنيكالىق قاداعالاۋ ورگاندارىن اتتەستاتتان جانە ليسەنزيادان ايىرۋ تۋرالى تاپسىرما بەردى. 

مىسالى، بەلگىلەنگەن ليسەنزيالاۋ نورمالارىن، سونداي-اق قۇرىلىس جۇمىسىن ساپاسىز جۇرگىزگەنى ءۇشىن «Sat Construction Group» ج ش س جۇمىسى توقتاتىلدى. سونداي-اق، «CAC group» ءجشس-نىڭ مەملەكەتتىك ليسەنزياسى توقتاتىلىپ، اكىمشىلىك جاۋاپكەرشىلىككە تارتىلدى.

سونىمەن قاتار، قالالىق ورتانىڭ ساپاسىن باقىلاۋ باسقارماسىنىڭ مالىمەتى بويىنشا،نىسانداردى سالۋ كەزىندە ءوز قىزمەتىن تيىسىنشە جۇزەگە اسىرماعانى ءۇشىن تەحنيكالىق قاداعالاۋ ساراپشىلارى - رينات تۋحۆاتوۆا مەن ساۋلە جارماعانبەتوۆانىڭ اتتەستاتى توقتاتىلدى.

ايتا كەتەيىك، استانا قالاسىندا 18-ماۋسىم كۇنى جەكە تۇلعالاردىڭ جانە مەملەكەتتىك ورگانداردىڭ وتىنىشتەرى نەگىزىندە تەكسەرۋ تاعايىنداۋ تۋرالى 82 اكتى تىركەلگەن. جۇرگىزىلگەن تەكسەرۋلەردىڭ قورىتىندىلارى بويىنشا 241 بۇزۋشىلىقتاردى جويۋ تۋرالى نۇسقاما شىعارىلعان. وسىعان بايلانىستى ق ر زاڭناماسىنىڭ تالاپتارىن بۇزعانى ءۇشىن 172 سۋبەكتى اكىمشىلىك جاۋاپكەرشىلىككە تارتىلدى.

بۇعان دەيىن حابارلانعانداي، نىسانداردى سالۋ كەزىندە قۇرىلىس جۇمىستارىن ساپاسىز جۇرگىزگەنى ءۇشىن، ءۇش كومپانيا قۇرىلىس-مونتاج جۇمىستارىن جۇرگىزۋ ليسەنزياسىنان ايىرىلعان. قاتارىندا «Expolis Invest VM» ج ش س (تك Royal EXPO Apartments) «Astana Trade International» ج ش س («وليمپ پالاس» تك)، ولاردىڭ ماتەريالدارى جوعارعى سوتتىڭ قاراۋىندا.