زاڭگەر ابزال قۇسپان Facebook پاراقشاسىندا سايراگۇل ساۋىتباي تۋرالى تىڭ دەرەكتەر جاريالادى، دەپ جازادى Qamshy.kz اقپارات اگەنتتىگى. 

«سايراگۇل تۋرالى نە بىلەمىز؟ ول – انا، بوتاقاندارى ءۇشىن 
قازىبەك يسا اعام ايتپاقشى، «ۇلى جۇڭگو قورعانىن بۇزىپ، ميللياردتاردىڭ بۇعاۋىن ءۇزىپ» جەتكەن انا! ال، ودان باسقا نە بىلەسىڭدەر؟ مەن ايتايىن سىزدەرگە. سايراگۇلدىڭ نەگىزگى ماماندىعى – دارىگەر! جۇڭگو ءتىلىن وتە جەتىك بىلگەندىكتەن مەكتەپكە، كەيىن بالاباقشاعا باسشىلىق ەتكەن.

ودان باسقا، ول قىتايدا قازاق تىلىندە شىعارىلعان ءۇش بىردەي كىتاپتىڭ اۆتورى! ەڭبەكتەردىڭ اتاۋى «قازاقتىڭ ىرىم-تيىمدارى»، «بالاعا جارايسىڭ دەي ءبىلىڭىز»، سونىمەن قاتار، ءوز ماماندىعىنا سايكەس، حالىقتىق ەم-دومدارمەن بايلانىستىرا وتىرىپ مەديسينالىق باعىتتا جانە ءبىر ەڭبەگى جارىق كورگەن! ولاردىڭ ءبارى جۇڭگو تىلىنە دە اۋدارىلعان ەكەن» دەپ جازدى ابزال قۇسپان.

ايتا كەتەيىك، ابزال قۇسپان «شەكارادان زاڭسىز ءوتتى» دەپ ايىپتالعان ەتنيكالىق قازاق سايراگۇل ساۋىتبايدىڭ ىسىنە اقىسىز زاڭگەرلىك كومەك كورسەتىپ، ءىستىڭ باسى قاسىندا بولعان.

سايراگۇل ساۋىتبايعا قازاقستان قىلمىستىق كودەكسىنىڭ 392 - بابى شەكارانى زاڭسىز بۇزىپ ءوتۋ بويىنشا ايىپ تاعىلعان. سوتقا حالىقارالىق باسىلىمداردان دا جۋرناليستەر قاتىسقان.

سوت سايراگۇل ساۋىتبايدى ق ر قك 392 بابىنىڭ 1 بولىگى بويىنشا كىنالى دەپ تاۋىپ، 6 اي باس بوستاندىعىنان ايىرىپ، 63 بابىنىڭ نەگىزىندە ونى باس بوستاندىعىن شەكتەۋگە اۋىستىرىپ، سوت زالىنان بوساتۋ تۋرالى ۇكىم شىعارعان.