يندونەزيادا بولعان جەر سىلكىنىسىنەن قازا تاپقاندار مەن زارداپ شەككەندەر اراسىندا قازاقستان ازاماتتارى جوق دەپ مالىمدەدى قازاقستان سىرتقى ىستەر مينيسترلىگى (ءسىم). بۇل تۋرالى Qamshy.kz اقپارات اگەنتتىگى ازاتتىقتىڭ مالىمەتىنە سۇيەنىپ حابارلايدى. 

مينيسترلىكتىڭ باسپا ءسوز حاتشىسى ايبەك سمادياروۆتىڭ ايتۋىنشا، يندونەزيانىڭ تابيعي اپاتتارمەن كۇرەس اگەنتتىگى قازاقستان كونسۋلىنا بەرگەن الدىن الا اقپاراتىنا سايكەس، جەر سىلكىنىسى سالدارىنان زارداپ شەككەندەر مەن قازا تاپقاندار اراسىندا قازاقستاندىقتار جوق.

يندونەزيانىڭ لومبوك ارالىندا 5 تامىز كۇنى قۋاتى 7 ماگنيتۋداعا جەتەتىن جەر سىلكىنىسى بولعان. سوڭعى مالىمەت بويىنشا، جەر سىلكىنىسىنەن كەم دەگەندە 91 ادام قازا تاۋىپ، جۇزدەگەن ادام جارالاندى.

يندونەزيا بيلىگىنىڭ حابارلاۋىنا قاراعاندا، ءزىلزالادان ارالدىڭ سولتۇستىگىندە ونداعان عيمارات ءبۇلىندى. قۇتقارۋشىلار كەيبىر قيراندىلار ورنىنا ءالى جەتە الماي جاتقاندىقتان قۇرباندار سانى ۇلعايۋى مۇمكىن.

تابيعي اپاتتارمەن كۇرەس اگەنتتىگى وكىلى ارالدىڭ باستى قالاسى ماتارامدا كوپتەگەن عيمارات زارداپ شەگىپ، قالانىڭ ءبىراز اۋدانى ەلەكتر قۋاتىنان اجىراتىلعانىن ايتادى.

ءزىلزالا ءدۇمپۋى لومبوككە جاقىن بالي ارالىندا دا سەزىلدى.

تۋريستەر كوپ باراتىن لومبوك ارالىندا ءبىر اپتا بۇرىن دا جەر سىلكىنىپ، 16 ادام قازا تاپقان.