شىڭجاڭ ۇيعىر اۆتونوميالىق بيلىگى 625 ەتنيكالىق قازاققا قازاقستانعا بارۋعا شەكتەۋ قويعان
ق ر سىرتقى ىستەر ءمينيسترى قايرات ءابدىراحمانوۆ قىتايداعى قازاقتار ماسەلەسى قالاي شەشىلىپ جاتقانىن ايتتى، دەپ حابارلايدى Sputnik قازاقستان .
سىرتقى ىستەر ءمينيسترى سايراگۇل ساۋىتبايدىڭ بوستاندىققا شىعۋى قازاقستان مەن قىتايدىڭ قارىم-قاتىناسىنا ەشقانداي سالقىنىن تيگىزبەيتىنىن اتاپ ءوتتى.
"بارلىق ماسەلە قۇقىقتىق نەگىزدە شەشىلەدى. ەكى ەلدىڭ قارىم-قاتىناسىنا ەشقانداي سالقىنىن تيگىزبەيدى"، — دەدى ءابدىراحمانوۆ.
ونىڭ ايتۋىنشا، شىڭجاڭ ۇيعىر اۆتونوميالىق بيلىگى 625 ەتنيكالىق قازاققا قازاقستانعا بارۋعا شەكتەۋ قويعان.
"ءقازىر قازاقستان ۇكىمەتى شىڭجاڭ ۇيعىر اۆتنوميالىق بيلىگى 625 ەتنيكالىق قازاق ءۇشىن قازاقستانعا شىعۋعا قويعان شەكتەۋدى جويۋ ماسەلەسىن قاراستىرۋدا. 2018 جىلعى 7 تامىزداعى مالىمەتكە سايكەس، قازاقستاننىڭ شەتەلدىك مەكەمەلەرى مەن سىرتقى ىستەر مينيسترلىگىنە جۇگىنگەن، قازاقستانعا ۋاقىتشا شىعۋعا شەكتەۋ قويىلعان 19 ازاماتتىڭ 15ء-ى بوساتىلدى. سونداي-اق قوس ازاماتتىق ءۇشىن ۇستالعان بارلىق 12 ادام بوساتىلدى"، — دەدى ول.
مينيستر ۆەدومستۆوعا قىتايدان كوشىپ كەلگەن جانە ۇنەمى قازاقستاندا تۇراتىن ەتنيكالىق قازاقتاردان بىرنەشە ماسەلە بويىنشا وتىنىمدەر ءتۇسىپ جاتقانىن ايتتى.
"بىرىنشىدەن، قازاقستان ازاماتتارىنىڭ قوس ازاماتتىق ءۇءشىن ۇستالۋى. ەكىنشىدەن، قازاقستاندا تۇرۋعا ىقتيارحاتى بار قىتاي ازاماتتارىنىڭ ۇستالۋى. ءۇشىنشىدەن، قازاقستان ازاماتتىعىن قابىلداعان جءانە قازاقستاندا ءۇنەمى تۇراتىن ەتنيكالىق قازاقتارعا قىتايداعى زەينەتاقى جيناقتارىن بەرۋىن توقتاتۋ تۋرالى مءاسەلە. قازىرگى تاڭدا قوس تاراپ وسى مءاسەلەنى شەشۋ ءۇءشىن تىعىز جۇمىس ىستەۋدە"، — دەدى ول.
