petitions247.com سايتىندا ءلاززات احاتوۆا حانىم «پەدوفيلدەرگە ءولىم جازاسى تاعايىندالسىن!» دەگەن پەتيسياعا قول جيناۋدى باستادى. الماتى وبلىسىندا ءبىر اپتا كولەمىندە بەس بالانىڭ پەدوفيلدىڭ قۇربانىنا اينالعاندىعى جونىندەگى اقپارات قامشى بەتىندە جاريالاعان بولاتىن. ايتپاعىمىز، بالانىڭ ءومىرى ويىنشىققا اينالعان زاماندا پورتال پەتيسيانى وقىرمان نازارىنا ۇسىنا وتىرىپ، اتالمىش ماسەلە بويىنشا ءۇنسىز قالماۋعا شاقىرادى.

«قۇرمەتتى نۇرسۇلتان ءابىش ۇلى!

     قازىرگى تاڭدا ەلىمىزدە ءسابي زورلاۋ فاكتىسى كۇننەن-كۇنگە كوبەيىپ بارادى. بىرەر جىل بۇرىنعى التى جاسار قىز بالانىڭ ءولىمى، سارىاعاشتىق جەتى جاسار بالانىڭ زورلانۋى، قىزىلورداداعى توعىز جاسار قىزدىڭ اناسىن ءولتىرىپ، ءوزىن زورلاۋى، الماتى وبلىسىنداعى التى جاسار قىزدىڭ زورلانۋى، تاعى سول سياقتى سۇمدىق وقيعالاردى كۇن سايىن اقپارات الاڭىنان وقيمىز، ەستيمىز. الماتى وبلىسىنىڭ وزىندە ءبىر اپتادا بەس ءسابي پەدوفيلدەردىڭ قۇربانى بولعانى جونىندە اقپارات بار. 

    بۇنداي سۇمدىقتار ازايۋدىڭ ورنىنا، كۇن ساناپ ءورشىپ جاتىر. قۇقىق قورعاۋ ورگاندارىنىڭ ستاتيستيكاسىندا دا پەدوفيلدىك سيپاتتاعى  قىلمىستار  جىلدان-جىلعا ءوسىپ جاتقانى كورسەتىلگەن. بالالاردىڭ تاعدىرىنا الاڭداۋلى اتا-انانىڭ، ەلدىڭ اشۋ-ىزاسى، ۋايىمى، قورقىنىشى دا كۇن ساناپ ءوسىپ بارادى...

    وسىعان وراي، xالىق اراسىندا  پەدوفيلدەردى ءولىم جازاسىنا كەسىپ، ەل الدىندا جازالاۋ كەرەك دەگەن پىكىر كوپتەپ ايتىلىپ جاتىر. بۇل xالىقتىڭ باسىم كوپشىلىگىنىڭ تىلەگى! ءبىرقاتار ەلدەردە پەدوفيلدەرگە ءولىم جازاسى قولدانىلىپ جاتىر.

    قۇرمەتتى ەلباسى، سىزدەن ۇلتىمىزدىڭ بولاشاعى - بالالارىمىزدىڭ تاعدىرىنا جاناشىرلىق تانىتىپ، اتالعان قىلمىستاردى جاساعان پەدوفيلدەردى قاتاڭ تۇردە جازالاۋدى، ياعني ءولىم جازاسىنا كەسۋدى زاڭعا ەنگىزۋدى ەلىمىزدەگى انالاردىڭ اتىنان، جالپى كوپشىلىكتىڭ اتىنان سۇرانامىز». 

اxاتوۆا ءلاززات كەندەباي قىزى