قوستاناي وبلىسىندا 27 جاستاعى قىز اۋرۋحانانىڭ دارەتحاناسىندا بوسانىپ قالىپ، شاقالاقتى شەلەككە لاقتىرىپ كەتكەن دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاسماي وتىرىپ.  وقيعا زاتوبول اۋدانىندا بولعان. وبلىستىق اۋرۋحانانىڭ باس دارىگەرى يۋريي مويسەيەۆتىڭ ايتۋى بويىنشا، 27 جاستاعى قىز ءىشى اۋىرىپ، ەمحاناعا جەتكىزىلگەن. ول اياعى اۋىر ەكەنىن جاسىرعىسى كەلىپ، دارەتحانادا بوسانعان. «زاتوبول سەلوسىنىڭ اۋرۋحاناسىنا تۇسكەن قىز نارەستەسىن دارەتحانانىڭ شەلەگىنە لاقتىرىپ كەتكەن. دارىگەرلەر دەر كەزىندە ءسابيدىڭ ءومىرىن امان ساقتاپ قالدى. ءقازىر ونىڭ جاعدايى ءبىر قالىپتى. اناسى ءوز نارەستەسىنەن باس تارتتى»، - دەدى يۋ.مويسەيەۆ. وبلىستىق ءىىد باسپا ءسوز قىزمەتى اتالعان فاكت تۋرالى رەسمي مالىمدەمە جاساعان جوق.